+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Bek Air ushaǵynan zardap shekkender Prezıdentke hat jazǵan

2020 jylǵy 24 qańtar 14:54
Bólisińiz:
Bek Air ushaǵynan zardap shekkender Prezıdentke hat jazǵan

NUR-SULTAN. QazAqparat – Memleket basshysy Qasym-Jomart Toqaev«Bek Air» ushaǵyapatynan zardap shekkenderden ózine hattar túsip jatqany týraly aıtty, dep habarlaıdy QazAqparat tilshisi.

«Jaqynda elimizde áýe apaty bolǵanyn barlyǵy biledi. Maǵan osyǵan baılanysty zardap shekkenderden áli de hattar túsip jatyr. Aıtýlarynsha, olar áli aqshalaı ótemaqyny ala almaı jatqan kórinedi. Jumysqa jaramsyz jaǵdaıda qalǵandary, aýrýhanada jatqandary bar. Osyǵan baılanysty qandaı sharalar atqarylyp jatyr», - degen Memleket basshysy Úkimettiń keńeıtilgen otyrysynda Premer-Mınıstrdiń orynbasary Roman Sklıarǵa qarata aıtqan sózinde.

Óz kezeginde Roman Sklıar kóz jumǵandardyń otbasylaryna 4 mıllıon teńgeden kómek kórsetilgenin jetkizdi. Sonymen birge, ushaqta bolǵandardyń bári de saqtandyrý kompanııasy arqyly tıisti kómekter berilmek.

«Jýyq arada tólemder júrgiziledi. Qajetti qujattardyń bári resimdeldi», - dedi ol.

Óz kezeginde Prezıdent «aman qalǵan, biraq zardap shegip, jumysqa jaramsyz bolyp qalǵan adamdardyń jaıy ne boldy?» dep surady.

«Jalpy, 52 adam zardap shekken bolatyn. Olarǵa jergilikti atqarýshy organdar men Eńbek jáne halyqty áleýmettik qorǵaý mınıstrligi kómek kórsetedi», - dedi Roman Sklıar.

Prezıdent óz sózinde bul baǵyttaǵy jumysty jedeldetýdi tapsyrdy.

Eske sala keteıik, 2019 jyldyń 27 jeltoqsanynda Almatydan Nur-Sultan qalasyna ushyp shyqqan 93 jolaýshy jáne 5 ekıpaj múshesi mingen ushaq apatqa ushyraǵan bolatyn. 12 adam qaza tapty.

Keıin Almaty áýejaıy «Bek Air» ushaǵynyń qulaý ýaqytynyń hronologııasyn jarııalady.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT