+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

Bek Air ushaǵy apatynan keıin emdelgen sońǵy jolaýshy aýrýhanadan shyǵaryldy

2020 jylǵy 7 naýryz 13:08
Bólisińiz:
Bek Air ushaǵy apatynan keıin emdelgen sońǵy jolaýshy aýrýhanadan shyǵaryldy

ALMATY. QazAqparat – Almaty mańynda Bek Air ushaǵynyń apaty kezinde zardap shekken jolaýshy aýrýhanadan shyqty. Ol apattan keıin em-dom qabyldap jatqan sońǵy jolaýshy bolatyn, dep habarlaıdy QazAqparat tilshisi.

Qoǵamdyq densaýlyq saqtaý basqarmasy baspasóz qyzmetiniń málimetinshe, 6 naýryzda ol №4 qalalyq klınıkalyq aýrýhanadan shyǵaryldy.

Dáýlet klınıkaǵa jedel járdem brıgadasymen 2019 jylǵy 27 jeltoqsanda jetkizilip, statsıonarda týra 70 táýlik boldy. Oǵan 8 hırýrgııalyq em-dom sharalary jasaldy.

«Alǵan jaralarynan saýyqqannan keıin, ol ambýlatorlyq emdelýge aýystyryldy. Ol turaqty baqylaýda bolady», - dedi №4 Qalalyq klınıkalyq aýrýhanasy asqynǵan jaraqat jáne irińdi hırýrgııa bólimshesiniń meńgerýshisi Rafael Gaısın.

Dáýlet kúrdeli emdeý sharalarymen qamtyldy. Dárigerler onyń aıaǵyn saqtap qalý úshin barlyq qajetti áreketterdi jasady. Kóptegen kúrdeli operatsııalar júrgizilip, Dáýlet eki aıdan astam ýaqyt aýrýhanada boldy.

«Dárigerlerge úlken alǵysymdy jetkizgim keledi, olar meniń jaqyn baýyrlarymdaı bolyp ketti. Bul adamdar meni aıaqqa turǵyzýǵa bar-kúsh jigerin saldy. Bizde osyndaı bilikti hırýrgter bar ekenine qýanyshtymyn», - dedi Dáýlet.

Eske sala keteıik, 2019 jyldyń 27 jeltoqsanynda Almatydan Nur-Sultan qalasyna ushyp shyqqan 93 jolaýshy jáne 5 ekıpaj múshesi mingen ushaq apatqa ushyraǵan bolatyn.

Áýe kemesiniń komandıri 57 jastaǵy Marat Muratbaev oqıǵa ornynda qaza tapty.



Bizdiń kanalymyzǵa jazylyńyz:

Bólisińiz:

Avtor:

Rýslan Ǵabbasov

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Úmbet Sholpan
Úmbet Sholpan
954-059
REDAKTOR
Janıbek Amangeldı
Janıbek Amangeldı
954-059

MURAǴAT