+7 (701) 759 90 19
USD 426.01 EUR 493.75
RUB 6.05 CNY 66.62
Jańalyqtar

«Bek Air» kompanııasyna qatysty sot otyrysy ótti

2020 jylǵy 23 shilde 20:03
Bólisińiz:
«Bek Air» kompanııasyna qatysty sot otyrysy ótti

NUR-SULTAN. QazAqparat – Búgin Tutynýshylardyń quqyqtaryn qorǵaý komıtetiniń «Bek Air» AQ áýekompanııasyna ekinshi aryzy boıynsha birinshi sot otyrysy ótti. Bul týraly QazAqparat Saýda jáne ıntegratsııa mınıstrligine silteme jasap habarlaıdy.

Komıtettiń aryzyndaǵy talaptary «Bek Air» AQ-na qatysty júzege asyrylǵan reısterge bılet satyp alǵan jolaýshylarǵa aqshalaı qarajatty óteý týraly bolyp otyr. Úshinshi tulǵa retinde osy protseske bılet satqan «Avıata» agenttiginiń ókili de qatysty. Budan basqa, Tutynýshylar quqyǵyn qorǵaý komıtetiniń ótinishi boıynsha sot otyrystaryna prokýror men «Qazaqstannyń avıatsııalyq ákimshiligi» AQ ókili qatysady.

Jalpy tutynýshylar komıteti 301 bılet satyp alǵan 151 azamattyń múddesine qyzmet etedi. Bul jerde talap-aryz somasy 10,5 mln teńgeni qurap otyr. Komıtetke ótinishter áli de túsýine baılanysty bul soma ulǵaıýy da múmkin.

Aıta keteıik, «Bek Air» AQ Almaty qalasy Túrksib aýdandyq sotynyń sheshimine apellıatsııalyq shaǵym bergen bolatyn. Onda sot azamattarǵa qarajatty óteý týraly Tutynýshylar quqyǵyn qorǵaý komıtetiniń aryzyn qanaǵattandyrǵan bolatyn.

Eske sala keteıik, 2019 jyldyń 27 jeltoqsanynda Almaty-Nur-Sultan baǵytyndaǵy ushaq apatqa ushyrady. Bortynda 93 jolaýshy jáne 5 ekıpaj múshesi boldy. Áýe kemesiniń komandıri 57 jastaǵy Marat Muratbaev oqıǵa ornynda ajal qushty.

Ushaq jerge qulaǵan soń syrǵanap baryp áýejaı aýmaǵyna jaqyn ornalasqan eki qabatty úıge soǵyldy. Saldarynan 12 adam qaza tapty. Osydan keıin Bek Air áýe kompanııasyna tıesili toǵyz Fokker-100 ushaǵynyń qyzmeti toqtatyldy.

Arada bir aı ótkennen keıin apatqa ushyraǵan Bek Air ushaǵynyń ekinshi ushqyshy qaza boldy.

Keıin ushaq apatynyń sońǵy sátteriniń hronologııasy jarııalandy.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT