+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

«Bek Air»-ǵa júrgizilgen jospardan tys tekseris qorytyndysy jarııalandy

2020 jylǵy 26 aqpan 16:37
Bólisińiz:
«Bek Air»-ǵa júrgizilgen jospardan tys tekseris qorytyndysy jarııalandy

NUR-SULTAN. QazAqparat – QR Indýstrııa jáne ınfraqurylymdyq damý mınıstrliginiń Azamattyq avıatsııa komıteti «Bek Air» kompanııasyna júrgizilgen jospardan tys tekserý qorytyndysyn jarııalady, dep habarlaıdy QazAqparat.

Uqsas jańalyqtar

Komıtet aqparatyna sáıkes, kompanııada áýe saparyn jáne ushýǵa jaramdylyqty uıymdastyrý, muzdaýǵa qarsy óńdeý protsedýralary, ushý qaýipsizdigin basqarý júıesiniń standarttaryna sáıkestigi, sondaı-aq avıatsııalyq qaýipsizdik normalaryn saqtaý tártibi tekserilgen.

«2020 jyldyń 20 qańtarynda Qazaqstannyń avıatsııalyq ákimshiligi tekserýdiń aralyq nátıjeleri men sol kezde anyqtalǵan buzýshylyqtar týraly habarlaǵan bolatyn. Avıatsııalyq qozǵaltqyshtardy paıdalanýda óreskel buzýshylyqtar týraly aıtyldy. Biraq olar qozǵaltqyshtyń shyǵý tegin, onda ornatylǵan agregattardyń jumys isteýin jáne aqaýlar týraly jazbalardy anyqtaýǵa múmkindik bermeıdi. Sondaı-aq fıýzelıajdyń jáne áýe kemeleriniń basqa da bólikteriniń zaqymdanýy boldy. Olarǵa tehnıkalyq qyzmet kórsetý jáne jóndelýi týraly jalǵan qujattar rásimdelip kelgen», - dep habarlaıdy komıtetten.

Atap ótilgendeı, áýe kompanııasy ınjenerlik qyzmettiń jáne ushý ekıpajynyń muzdaný faktisin anyqtaý úshin ushar aldynda ushaq qanattaryn fızıkalyq (taktıldik) tekserýdiń mindetti protsedýrasyn saqtaýyn qamtamasyz etpegen.

«Sol kezde-aq áýe kompanııasynyń Ushý qaýipsizdigin basqarý júıesi zańnama talaptaryna sáıkes kelmeıtindigi anyq edi», - delingen aqparatta.

Jalpy, tekseris qorytyndysy boıynsha áýe kompanııasynyń sertıfıkattarynyń qoldanysyn toqtatýǵa negiz bola alatyn basqa da kóptegen eleýli buzýshylyqtar men kemshilikter anyqtalǵan.

«Olardyń qatarynda avıatsııalyq oqıǵany jasyrý, áýe kemesiniń qandaı da bir úlgisin basqarýǵa ruqsat alý úshin ushqyshtardy daıarlaý týraly jalǵan sertıfıkattardy paıdalaný, ushaqtarǵa tehnıkalyq qyzmet kórsetýdi oryndaý týraly jalǵan qujattar jasaý sekildi kemshilikter bar. Áýe kompanııasy 2019 jyldyń 25 jeltoqsanynda Fokker-100 UP-F1017 áýe kemesimen bolǵan avıatsııalyq apattyń naqty sebepterin atamady», - dep habarlady komıtetten.

Málim etilgendeı, áýe kemesiniń komandıri «Nur-Sultan» halyqaralyq áýejaıynan Shymkent baǵytynda ushyp shyqqannan keıin №1 gıdrojúıeniń isten shyǵýyn anyqtaǵan. Bul olqylyq gıdravlıkalyq suıyqtyqtyń tolyǵymen aǵyp ketýine baılanysty bolǵan. Artynsha bul, jalǵasqanatshanyń shyqpaı qalýyna, shassıdiń aldyńǵy tiregin, bıiktik rýlin elerondardy, reversti jáne ushý kezindegi basqa da jabdyqtardy basqarý tetikteriniń isten shyǵýyna alyp kelgen. Kúrdeli jaǵdaıǵa qaramastan, áýe kemesiniń komandıri №2 avarııalyq gıdrojúıeni qoldana otyryp ushýdy jalǵastyrǵan. Shymkent qalasynyń áýejaıyna qonǵannan keıin, áýe qozǵalysyn basqarý dıspetcherine shassıdiń aldyńǵy tiregin basqarý tetiginiń isten shyqqany týraly jalǵan aqparat bergen.

Budan bólek, á ýe kompanııasy ushqyshtarǵa avıatsııalyq qaýipsizdik jáne qaýipti júkterdi tasymaldaý boıynsha qaıta daıarlaý kýrsyn aıaqtaǵany týraly formaldy sertıfıkattar bergen. Tekserý barysynda anyqtalǵandaı, sabaq ýaqytynda jáne synaqtan ótý kezinde pılottar eldiń basqa óńirlerinde ushý tapsyrmasynda bolǵan.

Sondaı-aq avıakompanııanyń eki ushqyshy Fokker 70/100 úlgisindegi áýe kemesin basqarý úshin qaıta daıarlaý sertıfıkattaryn qoldan jasaǵany belgili boldy.

«Latvııanyń oqý ortalyǵynda olar praktıkalyq emtıhandy tapsyra almaǵan. Osyǵan baılanysty olarǵa atalǵan keme úlgisin basqarý quqyǵy berilmeı, tek kýrsty tyńdaǵandary jóninde anyqtama tapsyrylǵan», - delingen tekseris qorytyndysynda.

Osylaısha, lıtsenzııaǵa ruqsat belgisin qoıdyrý úshin olar ýákiletti organǵa kýrsty sátti aıaqtaǵany týraly jalǵan sertıfıkat usynǵan. Oqý ortalyǵy sertıfıkattardyń jalǵandyǵyn rastady.

Qazirgi ýaqytta avıatsııalyq personal kýáligin qaıtaryp alý máselesi sheshilýde.

««Bek Air» AQ avıatsııalyq qozǵaltqyshtardy óndiretin zaýyt - « Rolls Royce»-tiń qoldaýy jónindegi kelisimshartqa otyrmaǵan. Sonymen qatar, ınjenerlik protsedýralar nusqaýlyǵyn buza otyryp, avıatsııalyq qozǵaltqyshtardyń paıdalaný derekteri óndirýshi zaýytqa olardy óńdeý úshin jiberilmegen. Sondaı-aq olardy ózdiginen «Bek Air» AQ-da óńdeý júrgizbegen. Osylaısha áýe kompanııasy avıatsııalyq qozǵaltqyshtardyń jaı-kúıine monıtorıng júrgizbegen. Sáıkesinshe olardyń senimdiligi men ushý kezindegi qaýipter týraly aqparaty bolmaǵan. Áýe kompanııasy ýákiletti organnyń bekitýinsiz ınjenerlerge ruqsat sanatyn óz betinshe berip kelgen. Sondaı-aq tıisti ruqsaty joq ınjenerlerge áýe kemelerinde tehnıkalyq jáne paıdalaný jumystaryn júrgizýge ruqsat bergen», - dep habarlaıdy komıtetten.

Sondaı-aq, Almaty áýejaıynda áýe kompanııasynyń eki ınjeneri Fokker-100 UP-F1014 ushaǵyna tehnıkalyq qyzmet kórsetý týraly qujatty jalǵan rásimdegeni anyqtalyp otyr. Osy jumystar oryndalatyn kúni bort Aýǵanstan aýmaǵynda áýe saparyn oryndaý ústinde bolǵan.

«Bek Air» AQ-nyń qyzmetin jospardan tys tekserý nátıjeleri áýe kompanııaǵa jiberildi. Áýe kompanııasy 10 kún ishinde Qazaqstannyń avıatsııalyq ákimshiligine barlyq buzýshylyqtardy joıý boıynsha túzetý is-qımyldarynyń josparyn usynýy tıis. Eger buzýshylyqtar 6 aı ishinde joıylmasa, paıdalanýshy sertıfıkaty men ushýǵa jaramdylyq sertıfıkattary keri qaıtarylyp alynady», - dep eskertedi Azamattyq avıatsııa komıteti.


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT