+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

Bek Air áýe kompanııasyna tıesili toǵyz Fokker-100 ushaǵynyń qyzmeti toqtatyldy

2020 jylǵy 10 qańtar 17:08
Bólisińiz:
Bek Air áýe kompanııasyna tıesili toǵyz Fokker-100 ushaǵynyń qyzmeti toqtatyldy

NUR-SULTAN. QazAqparat – Almatydaǵy áýe apatyna baılanysty Bek Air áýe kompanııasyna tıesili toǵyz Fokker-100 ushaǵynyń qyzmeti toqtatyldy. Bul týraly OKQ-da ótken baspasóz máslıhatynda QR Indýstrııa jáne ınfraqurylymdyq damý vıtse-mınıstri Berik Kamalıev málim etti, dep habarlaıdy QazAqparat tilshisi.

«Qazaqstan Prezıdentiniń tapsyrmasy boıynsha qazir turaqty túrde jolaýshylar tasymalyn júrgizip jatqan otandyq áýe kompanııalardyń bári tekserilip jatyr. Atap aıtqanda, áýe kemeleriniń ushý jaramdylyǵy, qaýipsizdik talaptaryna sáıkestigi, ushý erejelerin saqtaýy, avıatsııalyq personaldy daıyndaýy sekildi talaptardyń bári tekserilýde», - dedi Berik Kamalıev OKQ-da ótken baspasóz máslıhatynda.

Vıtse-mınıstr Almatydaǵy áýe apatyna baılanysty Bek Air áýe kompanııasynyń jumysy toqtatylǵanyn aıtyp ótti.

«Bek Air áýe kompanııasyna tıesili toǵyz Fokker-100 ushaǵynyń qyzmeti men jyldyq jaramdylyǵy jaıly sertıfıkaty toqtatyldy. Qazaqstannyń avıatsııalyq ákimshiligi qazir brıtandyq jáne eýropalyq azamattyq avıatsııa agenttikteri ókilderiniń qatysýymen Bek Air áýe kompanııasyn tekserip jatyr. Tekserý qorytyndysyna saı, áýe kompanııasynyń ary qaraıǵy jumysy týraly sheshim qabyldanady. Jaqyn arada tekserý qorytyndysyn jarııalaımyz», - dedi ol.

Eske sala ketsek, buǵan deıin QR Premer-Mınıstriniń orynbasary Roman Sklıar BekAir ushaǵynyń apatqa ushyraý sebebiniń basty nusqasyn ataǵan bolatyn.


Foto: 1.bp.blogspot.com


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT