+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

«Báıterek» UBH Dırektorlar keńesi Prezıdent tapsyrmalaryn iske asyrý máselelerin qarady

2021 jylǵy 19 shilde 22:03
Bólisińiz:
«Báıterek» UBH Dırektorlar keńesi Prezıdent tapsyrmalaryn iske asyrý máselelerin qarady

QR Premer-Mınıstri Asqar Mamın «Báıterek» ulttyq basqarýshy holdıngi» AQ Dırektorlar keńesiniń otyrysyn ótkizdi, dep habarlaıdy primeminister.kz saıty.

Otyrysta Memleket basshysy Qasym-Jomart Toqaevtyń Jumyspen qamtýdyń jol kartasyn uzartý jáne osy baǵdarlamany jalpy somasy 200 mlrd teńgege qosymsha qarjylandyrý jónindegi tapsyrmalaryn iske asyrý aıasynda oblıgatsııalyq qaryzdardyń sharttary qaraldy. Qarajat «Qazaqstan turǵyn úı kompanııasy» AQ, «Agrarlyq nesıe korporatsııasy» AQ, «Qazaqstannyń damý banki» AQ jáne «Qazyna kapıtal menedjment» AQ enshiles uıymdary arqyly agroónerkásip keshenin, ınfraqurylym men bıznesti qarjylandyrýǵa jumsalady. Dırektorlar keńesi 2020 jylǵa jyldyq esepti jáne 2023 jylǵa deıingi túzetilgen Damý josparyn bekitti.

Holdıngtiń 2020 jylǵy shoǵyrlandyrylǵan aktıvteri 6 trln 813 mlrd teńgeni qurap, 23,4%-ǵa artty. Bul rette «Báıterek» holdınginiń taza tabysy 73,1 mlrd teńge mólsherinde alyndy, bul 2019 jylmen salystyrǵanda 42%-ǵa artyq. Kredıttik jáne ınvestıtsııalyq portfelderdiń úlesi 78,5%-ǵa jetti, al tartylǵan qorlandyrý kólemi bir jyl ishinde 1 trln 596 mlrd teńgeni qurady. 609,4 mlrd teńge nemese respýblıka boıynsha ıpotekalyq kredıtterdiń jalpy kóleminiń 58%-y somasyna ıpotekalyq kredıtter berildi.

Sondaı-aq otyrysta Holdıngtiń enshiles uıymy – «KazakhExport» eksporttyq saqtandyrý kompanııasy» AQ qyzmetiniń qorytyndysy talqylandy. 2020 jyly kompanııa 134,6 mlrd teńgege saqtandyrý mindettemelerin qabyldady, bul 2019 jyldyń kórsetkishinen 37,6 mlrd teńgege artyq. Epıdemııanyń taralýy aıasynda qatań shekteýler engizilgenine qaramastan, saqtandyrý arqyly qoldaý 91 eksporttaýshyǵa kórsetildi, onyń ishinde 40 eksporttaýshy alǵash ret osyndaı qoldaýǵa ıe boldy.
Kompanııa aktıvteri 122,9 mlrd teńgeni, menshikti kapıtaly 109,4 mlrd teńgeni qurady. Holdıngtiń ótken jylǵy turaqty damýy týraly esep jáne Qaraǵandy oblysynda shınalar óndirisin jáne Qostanaı oblysynda júk tehnıkasynyń jetekshi bildekteriniń berilisterin uıymdastyrý boıynsha eki iri ınvestıtsııalyq jobany iske asyrý úshin qarjylandyrýdy tartý qosymsha qaraldy. Atalǵan jobalardy iske asyrý shıkizattyq emes ónim eksportyn 925 mlrd teńgege ulǵaıtýǵa jáne 1479 jańa jumys ornyn qurýǵa múmkindik beredi.

Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT