+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

«Báıterek» holdıngi men Satbayev University yntymaqtastyq týraly memorandýmǵa qol qoıdy

2020 jylǵy 18 qyrkúıek 16:45
Bólisińiz:
«Báıterek» holdıngi men Satbayev University yntymaqtastyq týraly memorandýmǵa qol qoıdy

ALMATY. QazAqparat - Búgin Almaty qalasynda «Báıterek» ulttyq basqarýshy holdıngi men Qanysh Sátbaev atyndaǵy Qazaq ulttyq tehnıkalyq zertteý ýnıversıteti yntymaqtastyq týraly memorandýmǵa qol qoıdy. Taraptardan qol qoıýshylar holdıng basqarmasynyń tóraǵasy Aıdar Áriphanov pen JOO rektory Iskander Beısembetov boldy.

«Báıterek» holdıngi QazUTZÝ-men 2018 jyldan beri tabysty jumys istep keledi. Atap aıtqanda, «Nurly jer» jáne «Jumyspen qamtý jol kartasy» memlekettik baǵdarlamalaryn iske asyrý aıasynda «Nurly jer» ahýal ortalyǵy men jergilikti atqarýshy organdardyń portaly birlesip ázirlendi.

- Bizdiń birlesken sheshimderimiz «Báıterek» holdıngine «onlaın» rejıminde zamanaýı tehnıkalyq baqylaý quraldaryn qoldana otyryp, memlekettik baǵdarlama boıynsha salynǵan turǵyn úılerdiń qurylysyn, qarjylandyrylýyn jáne satylýyn baqylaýǵa múmkindik beredi, - dep atap ótti «Báıterek» holdınginiń basshysy.

Ahýal ortalyǵy bazasynda holdıng qurylys materıaldarynyń marketpleısin qurýdy josparlap otyr. Bul turǵyn úı qurylysynyń ózindik qunyn tómendetýge jáne qazaqstandyq qurylys materıaldaryn óndirýshilerdi qoldaýǵa múmkindik beredi.

Taraptar ýnıversıtettiń birlesken tehnologııalyq sheshimderi men ǵylymı qyzmeti salasyndaǵy yntymaqtastyqty damytýǵa jáne qoldaýǵa nıet bildirdi.

Budan basqa, yntymaqtastyq oqý baǵdarlamalaryn ázirleýge qatysýdy, sondaı-aq «Báıterek» holdınginiń qajettilikteri men múmkindikterin eskere otyryp, ýnıversıtet stýdentteri men túlekteriniń óndiristik praktıkasyn ótkizýdi kózdeıdi.

Aıta keteıik, « Báıterek « u lttyq basqarýshy holdıngi» - AQ Qazaqstan Respýblıkasy Prezıdentiniń 2013 jylǵy 22 mamyrdaǵy Jarlyǵyna sáıkes quryldy. Korporatıvtik basqarýdyń ozyq standarttaryna sáıkes keletin jáne Qazaqstan ekonomıkasyn ártaraptandyrý, ınnovatsııalardy qoldaý, eksportty damytý, eńbek ónimdiligin ulǵaıtý jolymen ornyqty damytý jónindegi mindetterdi iske asyrýdy qamtamasyz etetin QR Úkimetiniń negizgi ınstıtýty.

Nazarbayev University - taý-ken jáne munaı isi salasyndaǵy ázirlemelermen tanymal, Qazaqstandaǵy eń kóne jáne bedeldi tehnıkalyq ýnıversıtetterdiń biri. 80 jyldan astam ýaqyt boıy bul ýnıversıtet Qazaqstandaǵy tehnıkalyq progress pen kóshbasshylyqtyń sınonımi bolyp tabylady.

Satbayev University Sátbaev ýnıversıtetiniń vızıt kartochkasynda tehnıkalyq mamandyqtar basym bolsa da, bul arhıtektýra men menedjmentti oqýǵa bolatyn kóp salaly ýnıversıtet.



Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT