+7 (701) 759 90 19
USD 423.95 EUR 495.81
RUB 5.84 CNY 65.6
Jańalyqtar

«Báıterek» holdıngi aýyl sharýashylyǵy blogynyń enshiles uıymdaryn qaıta qurý týraly aıtyp berdi

2021 jylǵy 2 tamyz 18:42
Bólisińiz:
«Báıterek» holdıngi aýyl sharýashylyǵy blogynyń enshiles uıymdaryn qaıta qurý týraly aıtyp berdi

NUR-SULTAN. QazAqparat - Memleket basshysy Qasym-Jomart Toqaevtyń tapsyrmasy boıynsha «Báıterek» holdıngi agroónerkásiptik bloktyń enshiles kompanııalaryn qaıta uıymdastyrý jumystaryn jalǵastyrýda. Bul rette nátıje fermerler úshin qarjylandyrýǵa qoljetimdilikti qandaı da bir jolmen qıyndatpaýy tıis. Bul jumystyń qalaı ótip jatqany týraly Holdıngtiń Basqarýshy dırektory Murat Dáribaev suhbatta egjeı-tegjeıli áńgimeleıdi.

Uqsas jańalyqtar
Mańǵystaý oblysynyń ákimdigi mal sýaratyn qudyq qazýǵa sýbsıdııa bólý máselesin qarastyrýda Aýyl sharýashylyǵy mınıstri Dúnıejúzilik bank ókilderimen kezdesti Bıyl jem-shóp daıarlaý jospary oryndaldy ma

- Murat Amankeldiuly, aǵymdaǵy jyldyń naýryz aıynda «QazAgro» holdıngi «Báıterek» holdıngine qosyldy. Osy birigý sheńberinde «Báıterek» holdınginiń kompanııalar tobyna úsh qarjy ınstıtýty kirdi: «Aýyl sharýashylyǵyn qarjylaı qoldaý qory» AQ, «Agrarlyq nesıe korporatsııasy» AQ, «QazAgroQarjy» AQ. Bul – aýyl sharýashylyǵyndaǵy mańyzdy damý ınstıtýttary. «Báıterek» holdınginiń osy kompanııalarǵa qatysty qandaı josparlary bar?

- Memleket basshysy «Báıterek» holdınginiń aldyna enshiles kompanııalardyń sanyn eki ese qysqartý mindetin qoıdy.

Agrarlyq sektorda jumys isteıtin kompanııalar boıynsha shaǵyn bızneske mıkrokredıt berýdi júzege asyratyn «Aýyl sharýashylyǵyn qarjylaı qoldaý qory» AQ (Qor) «Agrarlyq nesıe korporatsııasy» AQ-ǵa (ANK) qosylý josparlanýda. Ol óz kezeginde orta jáne iri agrarlyq jobalardy, sondaı-aq egis jáne egin jınaý jumystaryn qarjylandyrýǵa baǵyttalǵan.

Osylaısha, ANK biryńǵaı salalyq kredıt berýshi uıym bolady. Bul fermerlerge jeńildetilgen kredıt alý úshin ártúrli jaǵdaılarda qaıda júginý kerek degen suraqtardy alyp tastaýǵa múmkindik beredi: ANK-ǵa ma, álde Qorǵa ma.

Aýyl sharýashylyǵy tehnıkasy men jabdyqtarynyń lızıngi boıynsha respýblıkadaǵy eń iri kompanııa «QazAgroQarjy» AQ «Báıterek» holdınginen ANK-ǵa enshiles kompanııa retinde beriletin bolady.

AÓK sýbektilerine bankter beretin kredıtterge kepildik berý jónindegi Fýnktsıonal Qordan Holdıngtiń basqa enshiles kompanııasy – kásipkerlik sýbektileri úshin banktik kredıtterge kepildik berýdi júzege asyratyn «Damý» kásipkerlikti damytý qory» AQ-ǵa beriledi.

- Bul aýyl sharýashylyǵy taýaryn óndirýshilerdi qarjylandyrý boıynsha kórsetiletin qyzmetterdiń qoljetimdiligine qalaı áser etedi?

- Burynǵy «QazAgro» holdınginiń barlyq úsh enshiles kompanııasy, ózińiz baıqaǵanyńyzdaı, AÓK sýbektilerin aýyl sharýashylyǵy tehnıkasy men jabdyqtaryn qoljetimdi kredıtteýmen, lızıngpen qamtamasyz etý máselelerinde shyn máninde basty ról atqarady. Kompanııalardy qaıta qurý protsesteri, árıne, qarjylandyrýǵa qol jetimdilikti qıyndatpaýy kerek.

Bizdiń maqsatymyz - sabaqtastyqty qamtamasyz etý, nátıjesinde ol kompanııa klıentteriniń qyzmetine áser etpeýi tıis.

Birinshiden, enshiles uıymdardy qaıta uıymdastyrý qarjylandyrýdyń qoldanystaǵy sharttaryn qaıta qaraý qajettiligine ákelmeıdi. Múmkin, Qor ANK-ǵa qosylǵannan keıin kredıt baǵdarlamalaryn keńeıtý fermerge kredıt tańdaý kezinde baǵdarlaýdy jeńildetý úshin júzege asyrylady. Bul rette aýyl sharýashylyǵy taýaryn óndirýshiler úshin syıaqy mólsherlemesi, kredıt berý merzimi, jeńildikti kezeń jáne basqa da parametrler sııaqty negizgi sharttar ózgerissiz qalady.

Ekinshiden, qosylý kezinde qarjy qyzmetterin kórsetý jónindegi negizgi bıznes-protseske tartylǵan qordyń jumys istep turǵan óndiristik personaly ANK-ǵa aýystyrylatyn bolady. Bul qundy tájirıbeli kadrlar. Biz fermerlerdiń ANK-ǵa qyzmet kórsetýge kóshý kezinde olardyń ereksheligin jaqsy túsinetin Qordyń jumys isteıtin qyzmetkerlerimen jumysty jalǵastyrýǵa degen umtylysyn túsinemiz. Budan basqa, bul kompanııalardy biriktirý sátinde Qorǵa kelip túsken kredıt berý ótinimderin qaraýmen kidiristerdiń aldyn alýǵa múmkindik beredi.

Úshinshiden, bizde kompanııalardy qaıta uıymdastyrý boıynsha naqty jáne dáıekti is-sharalar men merzimderi bar jol kartalary bar. «Báıterek» holdıngi qaıta uıymdastyrýdyń barlyq protsesterin turaqty baqylaýda ustaıdy jáne jalpy úılestirýdi júzege asyrady.

- Kompanııalardy qaıta uıymdastyrýdy qashan aıaqtaý josparlanyp otyr?

- Qaıta uıymdastyrýdyń barlyq máseleleri «Báıterek» holdınginiń quzyretine jatpaıtynyn atap ótý qajet. Aýyl sharýashylyǵy, Ulttyq ekonomıka mınıstrlikteriniń jekelegen buıryqtaryna jáne birqatar zańdarǵa ózgerister engizý talap etiledi. Normatıvtik-quqyqtyq aktilerdi ýaqtyly túzetý kezinde qyzmetkerlerdi jáne kredıttik portfeldi aýdarýdy qosa alǵanda, kompanııalardy qaıta uıymdastyrýdyń negizgi protsesterin aǵymdaǵy jyldyń sońyna deıin aıaqtaý josparlanýda.

- Suhbatyńyzǵa rahmet!


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059

MURAǴAT