«Báıterek» ǵarysh kesheniniń qurylysy shegerildi
2022 jylǵy 28 maýsym 14:42

«Báıterek» ǵarysh kesheniniń qurylysy shegerildi

NUR-SULTAN. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın «Báıterek» ǵarysh keshenin salý merzimi shegerilgenin aıtty, dep habarlaıdy QazAqparat tilshisi.

«Osyǵan deıin belgilengen merzim shegerilip jatyr. Alaıda bul baǵyttaǵy jumys jospary ózgermegen. Bul keshen Baıqońyrdyń mańyzdylyǵy úshin kerek. Atalǵan merzim tehnıkalyq qujatnamany daıarlaýǵa qatysty shegerildi. Atqarylýy tıis jumstar boıynsha qujattardy qabyldaý kúrdeli bolyp jatyr. Atap aıtqanda, bul sheshim basqa sebepterge baılanysty emes», - dedi B. Mýsın Senatta tilshiler saýalyna jaýap bere otyryp.

Osy oraıda tilshiler mınıstrden qurylys jumystaryna qatysty naqty merzimdi ataýdy surady.

«Shamamen jarty jyl nemese ary ketkende bir jyl ýaqyt kerek. Bul baǵyttaǵy qujat boıynsha jumystar júrip jatyr. Biraq qurylys jumystary bastalmady. Jobalaý jumystaryna biraz ýaqyt kerek», - dedi vedomstvo basshysy.


Jańalyqtar

Úrdis

MURAǴAT