+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Baıqońyrdaǵy mektepterde qaýipti qaldyqtar zańsyz saqtalǵan

2019 jylǵy 16 qarasha 19:32
Bólisińiz:
Baıqońyrdaǵy mektepterde qaýipti qaldyqtar zańsyz saqtalǵan

BAIQOŃYR. QazAqparat - Baıqońyr qalasyndaǵy bilim mekemeleri quramynda synaby bar qaýipti qaldyqtardy mektep ǵımaratynda zańsyz saqtaǵan. Osylaısha 8 049 oqýshy men 1307 qyzmetkerdiń densaýlyǵyna qaýip tóndirgen, dep habarlaıdy QazAqparat tilshisi.

Uqsas jańalyqtar
JEO-2 nemese avtokólik: qalany qaısysy kóbirek lastaıdy 16 jastaǵy Greta Týnberg Time nusqasy boıynsha «Jyl adamy» atandy Almaty zoobaǵyndaǵy Alkor atty aq aıý 30-ǵa toldy

Baıqońyr qalasy prokýratýrasy óz qadaǵalaý aýmaǵyndaǵy bilim uıymdarynyń qaýipti qaldyqtardy joıý zańdylyǵynyń jaı-kúıine taldaý júrgizgen bolatyn. Taldaý barysynda birqatar bilim mekemelerinde quramynda synaby bar 2530 dana lıýmınestsentti shamnyń birshama ýaqyttan beri joıylmaı, zańsyz saqtalǵany anyqtaldy. Olardyń paıdalaný merzimi ótken, barlyǵy joıylýǵa tıis.

«Synap pen onyń qospalarynda adam aǵzasynda jınalýǵa jáne aǵzasyna zııan keltirýge qabiletti asa qaýipti ýyty joǵary zattar bar. Sozylmaly ýlanýdyń órbýinde synaptyń kez kelgen nysandarynan quralǵan ártúrli buıymdardan, onyń ishinde quramynda synaby bar shamdardan bólinip shyǵatyn synap býy asa qaýipti. QR Ekologııalyq kodeksiniń 293-baby 2-1 bóligine sáıkes, quramynda synaby bar qaldyqtar bólek jınalyp, mamandandyrylǵan kásiporyndarǵa kádege jaratýǵa, qaıta óńdeýge tapsyrylýǵa tıis», - dep málim etti Qyzylorda oblystyq prokýratýrasynyń baspasóz hatshysy Ǵabıt Uzaqbaı.

Bilim berý uıymdary atalǵan zań talaptaryn basshylyqqa almaı, qaýipti qaldyqtardy mektep ǵımaratynda zańsyz saqtaǵan. Sonyń saldarynan 8 049 oqýshy men 1307 qyzmetkerdiń konstıtýtsııamen kepildik berilgen quqyqtary buzylǵan.

Prokýrorlyq yqpal etý aktisi engizilip, nátıjesinde bilim bólimi men arnaıy mekeme arasynda kelisimshart jasaldy. Qaýipti qaldyqtar joıyldy.

Bizdiń kanalymyzǵa jazylyńyz:

Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT