FÝTBOLDAN ÁLEM ChEMPIONATY-2022
  Jańalyqtar  >

Baıqońyrda 64 jastaǵy turǵyn belgisiz jaǵdaıda sýǵa batyp ketti

2022 jylǵy 29 qyrkúıek, 14:01
Baıqońyrda 64 jastaǵy turǵyn belgisiz jaǵdaıda sýǵa batyp ketti

BAIQOŃYR. QazAqparat - Qyzylorda oblysynda 64 jastaǵy adam belgisiz jaǵdaıda sýǵa batyp ketti, dep habarlaıdy QazAqparat tilshisi.

Oqıǵa búgin, 29 qyrkúıekte saǵat 1.10 shamasynda bolǵan.

Sol ýaqytta tótenshe jaǵdaılar qyzmetine Baıqońyr qalasyndaǵy Syrdarııa ózeninde ornalasqan jyljymaly kópirden 300 metr qashyqtyqta Qyzylorda qalasynda turatyn 1958 jylǵy azamat sýǵa batyp ketkeni jóninde habarlama túsken.

«Atalǵan habarlama boıynsha jedel qutqarý jasaǵynyń Qamystybas eldi mekenindegi bóliminiń mamandary 07.10-da Baıqońyr qalasyna kelip jetti. Saǵat 07.30-da izdestirý jumystary bastalyp ketti», - dedi Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Eske salsaq, budan buryn Qyzylordada 2 jasar sábı úrlemeli basseı̆nge batyp ketti.


Tegı:
Seriktester jańalyqtary

Jańalyqtar