+7 (701) 759 90 19
USD 376.84 EUR 407.97
RUB 5.91 CNY 53.80
Jańalyqtar

«Baıqońyr» kesheninde qandaı qurylys jumystary júredi

2019 jylǵy 18 jeltoqsan 11:11
Bólisińiz:
«Baıqońyr» kesheninde qandaı qurylys jumystary júredi

NUR-SULTAN. QazAqparat – Parlament Májilisiniń jalpy otyrysynda «2004 jylǵy 22 jeltoqsandaǵy QR Úkimeti men RF Úkimeti arasyndaǵy «Baıqońyr» ǵarysh aılaǵynda «Báıterek» ǵarysh zymyran keshenin qurý týraly kelisimge ózgerister men tolyqtyrýlar engizý týraly hattamany ratıfıkatsııalaý týral» zań jobasy maquldandy, dep habarlaıdy QazAqparat tilshisi.

Uqsas jańalyqtar
Májilis AQSh-taǵy Qazaqstan azamattarynyń múddesin qorǵaıtyn qujatty maquldady Qazaqstanda malǵa qajetti bıopreparattardyń sapasyn baqylaıtyn mekeme qurý usynyldy Elimizde agrarlyq ǵylymdy qarjylandyrý tártibin ózgertý usynyldy

«Zań jobasy «Báıterek» jobasyn iske asyrýdyń negizgi sharttaryn ózektendirýdi kózdeıdi. Alǵashynda jobany «Angara» reseılik zymyrannyń negizinde iske asyrý josparlanǵan bolatyn. Biraq, «Angara» zymyrany ýaqytynda daıyn bolmaǵandyqtan, Taraptar jobany iske asyrýdyń kóptegen ártúrli nusqalaryn qarastyryp, taldaý jasady. Máseleni qosymsha pysyqtaýdyń nátıjesinde Taraptar jobany «Soıýz-5» zymyrany negizinde iske asyrýdy sheshti. Jalpy alǵanda, Reseı Federatsııasy zymyrandy jasaý úshin jaýap beredi, al biz jerústi ınfraqurylymy úshin jaýap beremiz», - dep toqtaldy QR Tsıfrlyq damý, ınnovatsııalar jáne aeroǵarysh ónerkásibi mınıstri Asqar Jumaǵalıev.

Onyń sózine qaraǵanda, osy jobada Reseı tarapy «Soıýz-5» zymyrandy, tehnıkalyq jáne starttyq keshenderinde baqylaý-tekserý jabdyqtaryn qurýdy, sondaı-aq údemeli bloktyń tehnıkalyq keshenin, ǵarysh apparatyn jáne ǵaryshtyq bastıek bóligin jańǵyrtýdy qamtamasyz etedi. Osy jumystar 916 mln AQSh dollary somasynda baǵalandy. Jańǵyrtý maqsatynda 2018 jyly «Baıqońyr» aılaǵynyń 42,43 jáne 45-shi alańdarynda ornalasqan «Zenıt-M» kesheniniń 243 nysany Qazaqstan tarapyna berildi.

«Qazaqstan tarapy «Zenıt-M» kesheniniń jerústi ınfraqurylymy nysandaryn qaıta jańartý men jańǵyrtýdy jasaıdy. Starttyq jáne tehnıkalyq keshenderdi jańǵyrtý, jumys istep turǵandaryn kúrdeli jóndeý jáne qaıta jańartý, sondaı-aq jerústi ǵarysh ınfraqurylymynyń jańa obektilerin salý jumystary júrgiziletin bolady. Osy jumystar 233 mln AQSh dollarymen baǵalanady. Jerústi keshenin jańǵyrtý jáne qurylys jumystary kezinde qazaqstandyq kompanııalardy barynsha tartý josparlanady, ol qosymsha jumys oryndaryn beredi. «Báıterek» ǵarysh zymyran keshenin iske qosý - «Baıqońyrdy» eń belseńdi ǵarysh aılaǵy retinde saqtaýǵa múmkindik beredi. Zań jobasyn qabyldaý Qazaqstan Respýblıkasynyń qoldanystaǵy zańnamasyna qaıshy kelmeıdi, sondaı-aq Qazaqstan Respýblıkasy men Reseı Federatsııasy arasyndaǵy «Baıqońyr» kesheni boıynsha strategııalyq áriptestik pen ekijaqty yntymaqtastyqty odan ári nyǵaıtýǵa yqpal etedi», - dedi Asqar Jumaǵalıev.

Bizdiń kanalymyzǵa jazylyńyz:

Basty sózder: Parlament, Ǵarysh, Baıqońyr, Qurylys,
Bólisińiz:

Avtor:

Rýslan Ǵabbasov

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT