Baıqońyr ǵarysh qyzmetiniń onkologııaǵa áserin zertteıtin komıssııa jumys isteıdi
2022 jylǵy 24 maýsym 10:38

Baıqońyr ǵarysh qyzmetiniń onkologııaǵa áserin zertteıtin komıssııa jumys isteıdi

ULYTAÝ OBLYSY. QazAqparat – Úsh aıdan beri Ulytaý oblysyndaǵy onkologııalyq aýrýlardyń sebepterin, onyń ishinde Baıqońyr ǵarysh aılaǵy qyzmetiniń áserin zertteý maqsatynda komıssııa jumys istep jatyr. Bul týraly QazAqparat Ekologııa mınıstrligine silteme jasap habarlaıdy.

Ekologııa, geologııa jáne tabıǵı resýrstar vıtse-mınıstri Zúlfııa Súleımenovanyń qatysýymen atalǵan komıssııanyń kóshpeli otyrysy ótti.

Ulytaý oblysyndaǵy onkologııalyq aýrýlardyń sebepterin, onyń ishinde Baıqońyr ǵarysh aılaǵy qyzmetiniń áserin zertteıtin komıssııa úsh aı buryn Májilis depýtattarynyń bastamasymen qurylǵan.

Komıssııa Jol kartasyn bekitti, osy Jol kartasyn iske asyrý úshin aǵymdaǵy jylǵy 23-27 mamyr aralyǵynda múddeli memlekettik organdar sý, topyraq jáne aýa synamalaryn aldy.

Jıynda Zúlfııa Súleımenova atalǵan óńirdegi jaǵdaıdy durys baǵalaý jáne Baıqońyr ǵarysh aılaǵy jumysynyń qaterli isikterdiń damýyna áserin anyqtaý úshin ǵylymı-zertteý jumystaryn júrgizý qajettigin atap ótti.

Osyǵan baılanysty, baǵdarlamalyq-nysanaly qarjylandyrý sheńberinde Ulytaý oblysyndaǵy onkologııalyq aýrýlardyń sebepterin, onyń ishinde Baıqońyr ǵarysh aılaǵy qyzmetiniń áseri turǵysynan zerdeleý boıynsha ǵylymı-zertteý jumysyna tehnıkalyq tapsyrma jobasyn ázirlenbek.


Jańalyqtar

Úrdis

MURAǴAT