+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Baıbek: Praımerızge qatysýshylar júıeli sheshimdi talap etetin kúrdeli máselelerdi kóterdi

2020 jylǵy 18 qyrkúıek 11:35
Bólisińiz:
Baıbek: Praımerızge qatysýshylar júıeli sheshimdi talap etetin kúrdeli máselelerdi kóterdi

NUR-SULTAN. QazAqparat – Búgin «Nur Otan» partııasynyń praımerız sharasyna qatysýshylardyń jumystarymen tanysqan partııa tóraǵasynyń birinshi orynbasary Baýyrjan Baıbek olardyń júıeli sheshimderdi talap etetin kúrdeli máselelerdi kóterge bilgendigin aıtty.

Praımerız sharasyna qatysýshylarǵa qatysty pikirin Baýyrjan Baıbek Facebook paraqshasynda jarııalady.

«Áriptesterimmen birge partııaishilik praımerız qatysýshylarynyń úgit-nasıhat kezdesýine bardym. Elordanyń Esil aýdany boıynsha 15 kandıdat «Nur Otan» partııasynyń Ortalyq apparaty janyndaǵy bastaýysh uıymda óz saılaýaldy baǵdarlamalarymen tanystyrdy. Іs-shara jarys sıpatynda bolǵanymen, ózara syılastyq aıasynda ótti. Qatysýshylardyń árbirin qoldaýǵa tyrystym, keńesimdi berip, máseleni naqtylaı túsetin suraqtar qoıdym»,-deıdi partııa tóraǵasynyń birinshi orynbasary.

Onyń jazýynsha, úmitkerlerdiń ózderin ustaýyn, jurt aldynda sóz sóıleýin tamashalaý óte qyzyqty boldy. Olardyń barlyǵynda derlik qyzyqty da kreatıvti beınerolıkteri, ózindik «artyqshylyqtary» bar. Tipti keıiberýleriniń úgit baǵdarlamalarymen QR-kod arqyly tanysýǵa bolady.


Qatysýshylar arasynda qazir qyzmet atqaryp júrgen depýtattar da, saıası qadamyn jańa bastap jatqan jastar da bar. Sondaı-aq partııa qurylǵan sátten bastap múshe bolyp kele jatqandar da, taıaýda ǵana partııa qataryna qosylǵandar da kezdesti.

«Ásirese, birneshe jyl buryn AQSh-qa qonys aýdaryp, keıinnen elge qaıta oralǵan azamattyń balalar men jasóspirimder arasynda esirtkiniń taralýyna qarsy kúresi boıynsha keltirgen derekteri men usynǵan is-sharalary jurtshylyq nazaryn aýdardy.

Óz baǵdarlamasynda elordany zamanaýı ýrbanıstıka qaǵıdattaryna sáıkes damytý máselelerin ózek etken eń jas kandıdatqa «Bolashaq» qaýymdastyǵy qazaq tiline aýdarǵan «Baqytty qala» degen jaıly qalalyq orta qurý týraly kitapty syılaıyn dep sheshtim.

Jalpy, qatysýshylar qyzyqty da júıeli sheshimderdi talap etetin kúrdeli máselelerdi kótere bildi. Olardyń qatarynda bilim jáne densaýlyq saqtaý, halyqtyń áleýmettik toptaryn qoldaý, buqaralyq balalar sportyn damytý jáne basqalary bar.

Partııamyzdyń Lıderi N.Á. Nazarbaev tapsyrǵandaı, praımerızde aıtylǵan barlyq usynystar men eskertýler bizdiń árbir óńir, qala jáne aýdan boıynsha ázirlengen 216 saılaýaldy baǵdarlamamyzdy pysyqtaý kezinde eskeriletin bolady»,-dep jazdy Baýyrjan Baıbek.


Árıne, kandıdattar ár qıly. Árqaısysynyń daıyndyq deńgeıi men jeke bekgraýndtary da ár túrli. Olardyń qaısysy jeńis tuǵyrynan kórinetinin saılaýshy sheshedi. «Munda bir jaıtty anyq aıta alamyn: osynaý praımerızden birinshi bolyp ótkender teńdessiz saıası tájirıbe jınaqtap, ár túrli aýdıtorııalarda sóz sóıleý daǵdysyn meńgeredi, ózderiniń myqty jáne osal tustaryn ańǵaryp, tyńdaýshylardy óz sózine ılandyryp, óz pozıtsııasyn dáleldeý qabiletin ushtaıtyn bolady. Osy oraıda kezdesýge qatysýshylardyń biri aıtqan myna bir sóz erekshe esimde qaldy. Ol «men praımerızge depýtattyq tósbelgi úshin emes, jurttyń naqty máselelerin sheshýde partııalastarymdy qoldaý úshin qatysyp otyrmyn», dedi.

Aldaǵy 1 – 3 qazan aralyǵyndaǵy partııaishilik saılaýda daýys berý úshin mobıldik qosymshany júktep alyp, «Praımerız 2020» aqparattyq júıesine tirkeldim. Búginde júıede 560 myńnan astam partııalas tirkeýden ótti. Elbasy aıtqandaı, ádil de tartysty básekede eń laıyqtylar jeńiske jetetine senimdimin»,-deıdi partııa ókili.


Bizdiń kanalymyzǵa jazylyńyz:

Bólisińiz:

Avtor:

Balnur Qojageldi

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT