Valıýta baǵamdary:
    usd/kzt 478.01 eur/kzt 488.81

    rub/kzt 7.91 cny/kzt 70.76
Aýa raıy:
Nur-Sultan: 1 °S
Almaty: 15 °S

Baıanaýylda eki balany qutqarǵan eki er adam sýǵa batyp ketti

2022 jylǵy 24 maýsym 10:20

PAVLODAR. QazAqparat – Pavlodar oblysynda eki balany qutqarǵan eki er adam ózderi sýǵa batyp ketti, dep habarlaıdy QazAqparat Pavlodarnews.kz saıtyna silteme jasap.

Málim bolǵandaı, otbasylar Qaraǵandy oblysynan demalýǵa kelgen.

Oblystyq Tótenshe jaǵdaılar departamentiniń málimetinshe, 23 maýsym kúni saǵat 15:52-de Pavlodar oblysynyń «112» pýltine Baıanaýyl aýdany Toraıǵyr aýylyndaǵy Toraıǵyr kólinde er adamdar sýǵa batyp ketkeni týraly habarlama túsken.

Oqıǵaǵa kýá bolǵandardyń aıtýynsha, 14 jastaǵy qyz ben 9 jasar ul balany qutqarý kezinde olardyń ákeleri ( 44 jáne 36 jasta bolǵan) kóz jumdy.

Adamdar jabdyqtalmaǵan jerde shomylǵany aıtylyp otyr.

Balalar jedel medıtsınalyq járdemmen Baıanaýyl aýdandyq aýrýhanasyna jetkizildi. Jaǵdaılary turaqty.

Ekibastuz qalasynyń qutqarýshy-súńgýirleri er adamdardyń denesin izdeýge saǵat 19:00-de kirisip, saǵat 19.39-da sýdan alyp shyqty.
«Oqıǵa ornyna Pavlodar oblysy TJD 4 qutqarýshysy, 1 tehnıkasy, 1 júzý quraly,«102»,«103» qyzmetteri jumyldyryldy», - dedi departamentten.


Novostı po teme
Uqsas jańalyqtar