Jańalyqtar  >
  Úrdis
Baýyrjan Serikbaev: Ekonomıkanyń damýy – eldegi kúre joldardyń sapasyna baılanysty
2022 jylǵy 18 shilde 11:36

Baýyrjan Serikbaev: Ekonomıkanyń damýy – eldegi kúre joldardyń sapasyna baılanysty

«Prezıdent Úkimettiń keńeıtilgen otyrysynda qoǵamda kóterilip kele jatqan mańyzdy máselelerdi atap ótti. Sonyń ishinde Memleket basshysy jol máselesine asa kóńil bóldi. Onyń ishinde aýdanaralyq, aýylaralyq joldar da bar. Ásirese, aýyldardy baılanystyratyn joldardyń sapasy kóńil kónshitpeıdi. Al, ekonomıkanyń damýy – osy kúre joldardyń sapasyna baılanysty. Elimiz úshin óte ózekti dep oılaımyn.

Halyqty tolǵandyryp otyrǵan ekinshi másele – baǵanyń ósýi. Memleket basshysy osyǵan baılanysty Úkimetke naqty tapsyrmalar berdi.

Atalǵan máselelerdi Úkimet nazarǵa aldy, aldaǵy ýaqytta jedel sharalar qabyldaıdy dep oılaımyn.

Prezıdent júktegen tapsyrmalar ishki saıasattyń turaqty bolýy men ekonomıkanyń damýyna tikeleı septigin tıgizedi. Sebebi - azyq-túlik áleýmettiń eń ózekti máselesi. Jalpy baǵanyń kóterilýi álemde bolyp jatqan protsess. Ol sanktsııalar men geosaıası jaǵdaıǵa baılanysty bolyp otyr. Sondyqtan Prezıdent tapsyrmasyna saı, qoljetimdi baǵa saqtalatyn bolsa, onda ol halyqtyń áleýmettik jaǵdaıyna oń áser etedi.

Sondaı-aq, Memleket basshysynyń jastar saıasatyna qatysty aıtqan bastamalary oryndy. Memleketimizdegi halyqtyń basym bóligi jastardan quralady. Máselen, qazir bul salada oqýǵa túsý, jumyspen jáne baspanamen qamtý máseleleri bar. Bıyl joǵary oqý oryndaryna granttar kóp bólinip jatyr. Onyń kóbi tehnıkalyq mamandarǵa qarastyrylǵan. Memleket basshysynyń Úkimetke bergen tapsyrmasyna sáıkes, aldaǵy ýaqytta da jastardy qoldaý maqsatynda jumys jalǵasady dep oılaımyn».

Baýyrjan Serikbaev - saıasattanýshy


Foto: facebook.com/bauyrzhan.serikbayev

Sondaı-aq... oqyńyz
Seriktester jańalyqtary

Jańalyqtar

Úrdis

MURAǴAT