+7 (701) 759 90 19
USD 411.66 EUR 465.92
RUB 5.81 CNY 58.79
Jańalyqtar

Baýyrjan Baıbek jetisaılyq sharýalardyń túıitkilderin tyńdady

2020 jylǵy 26 aqpan 21:23
Bólisińiz:
Baýyrjan Baıbek jetisaılyq sharýalardyń túıitkilderin tyńdady

JETІSAI. QazAqparat – Túrkistan oblysy Jetisaı aýdanyna jumys saparymen kelgen «NurOtan» partııasy Tóraǵasynyń birinshi orynbasary Baýyrjan Baıbek Abaı aýyldyq okrýgindegi «Maharam» sharýa qojalyǵynyń qyzmetimen tanysýdan bastady. Egistik alqapta sharýalarmen júzdesip, erkin formatta áńgimelesti, dep habarlaıdy QazAqparat tilshisi.

Agrarly aımaqqa jasaǵan is-sapary kezinde partııasy Tóraǵasynyń birinshi orynbasary sharýalardyń suraqtaryna jaýap berip, aýyl sharýashylyǵy salasynda jasalyp jatqan qamqorlyqtarǵa toqtaldy. Aýdanda shıkizatty óńdep, daıyn ónim shyǵarýǵa den qoıý kerektigin aıtty. Al, aýdan sharýalary egistik túrlerine qaraı beriletin sýbsıdııa, aǵyn sý, kanaldardyń jóndeý jumystary men onyń sapasyn baqylaýǵa alý jaıyndaǵy oı-pikirleri men usynystaryn jetkizdi.



Aıta keteıik, B.Baıbek atbasyn tiregen «Maharam» sharýa qojalyǵynyń ıeliginde 300 ga egistigi bar. Búginde 10 ga alqabyna erte pisetin qyryqqabattyń birneshe túrin egip otyr. Qojalyq tóraǵasynyń aıtýynsha, bıylǵy jylǵa 57 ga shıtti maqta tuqymyn sepse, qalǵan jerge kókónis pen baqsha ónimderin egý josparda bar. Atalmysh egistik alqapta 150-ge tarta turǵyn eńbek etýde.


Sharýalarmen bolǵan kezdesýden soń, Baýyrjan Baıbek Jetisaı qalasynda boı kótergen zamanaýı emhanada boldy, aýdan dárigerlerimen júzdesti. Qurylysy 2017 jyly bastalǵan, aýysymyna 500 adamdy qabyldaýǵa eseptelgen emhananyń negizgi qurylys jumystary aıaqtalǵan. Endi tıisti qural-jabdyqtar tolyq ornatylsa, nysan el ıgiligine tapsyrylmaq. Barlyq qajettilikteri qarastyrylǵan densaýlyq saqtaý mekemesiniń qurylysyna respýblıkalyq bıýdjetten 1 mlrd 129 mln 289 myń teńge, oblystyq bıýdjetten 600 mln teńge qarjy qaralyp, tıisti jumystar atqarylǵan. Medıtsına qyzmetkerlerimen júzdesý barysynda partııa Tóraǵasynyń birinshi orynbasary elimizdiń bas partııasy tarapynan atqarylyp jatqan jumystarmen, aldaǵy atqarylar josparly tapsyrmalarmen tanystyrdy. Buqara men bıliktiń arasyndaǵy altyn kópirge aınalyp, senim men úmitti arqalaǵan partııanyń bastamasymen búginde eldegi saıası turaqtylyq pen ultaralyq tatýlyq, áleýmettik, densaýlyq jáne sport, aýyl sharýashylyǵy, ádebıet pen mádenıet salasyndaǵy qol jetkizgen jetistikter aıtyldy.


Saparynyń sońynda «NurOtan» partııasy Tóraǵasynyń birinshi orynbasary Baýyrjan Báıbek aýdanda atqarylyp jatqan memlekettik baǵdarlamalardyń barysy men partııalyq tapsyrmalardyń oryndalýyna oń baǵasyn berdi.


Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT