+7 (701) 759 90 19
USD 437.20 EUR 475.32
RUB 5.79 CNY 61.94
Jańalyqtar

Baýyrjan Baıbek Pavlodar oblysynyń turǵyndarymen kezdesti

2020 jylǵy 19 aqpan 13:15
Bólisińiz:
Baýyrjan Baıbek Pavlodar oblysynyń turǵyndarymen kezdesti

NUR-SULTAN. QazAqparat - «Nur Otan» partııasy tóraǵasynyń Birinshi orynbasary Baýyrjan Baıbektiń óńirlerge sapary jalǵasýda, dep habarlaıdy «Nur Otan» partııasy resmı saıty.

Partııa tóraǵasynyń birinshi orynbasary Pavlodar oblysynyń shalǵaıdaǵy birqatar eldi mekeniniń turǵyndarymen kezdesip, kókeıkesti máselelerdi sol jerde talqylap, sheshimin birge qarastyrdy.

Jumys saparynyń birinshi kúni Baýyrjan Baıbek Novochernoıarka aýylynyń turǵyndarymen kezdesti. Munda 16 kóp qabatty turǵyn úıdiń 800-ge jýyq turǵyny ortalyq jylytý júıesinsiz turyp jatyr. Aýyl turǵyndary bul máseleni osyǵan deıin birneshe ret kótergen, tipti partııanyń qoǵamdyq qabyldaýy arqyly da qozǵaǵan eken.


«Turǵyndarmen birge osynyń sheshý joldaryn talqyladyq. Aımaq basshylyǵy aýylda jylytý qazandyǵy salynady dep sóz berdi. Bul atalǵan turǵyn úılerden bólek taǵy da 5 áleýmettik nysandy, onyń ishinde taıaý mańda ornalasqan mektepti, balabaqshany jáne dárigerlik ambýlatorııany jylytýmen qamtamasyz etpek. Onyń oryndalýyn «Nur Otan» óz baqylaýyna aldy», - dedi Baýyrjan Baıbek óz Facebook paraqshasynda.


Onyń aıtýynsha, Pavlodar oblysyna saparǵa shyǵar aldynda ol buqaralyq aqparat quraldary men áleýmettik jeliler materıaldary arqyly óńirdiń kókeıkesti máselelerimen muqııat tanysqan. Bıleýshi partııa tóraǵasynyń birinshi orynbasary birneshe jyldan beri oblys ortalyǵynda «Ekinshi Pavlodar» yqshamaýdanyndaǵy jeke turǵyn úılerdi erigen jáne jerasty sýlary deńgeıiniń kóterilýi saldarynan sý basýy máselesine nazar aýdardy.

Máseleniń ózektiligi eskerile otyryp, oblystyń jańa ákimimen turǵyndardyń kezdesýi uıymdastyryldy.

Ábilqaıyr Sqaqovtyń aıtýynsha, máseleni júıeli jáne jan-jaqty sheshý úshin tıisti mamandar men sarapshylar tartylatyn bolady. Sonymen qatar, 8 shaqyrym káriz jelilerin tartý jáne taǵy 10 shaqyrym kommýnıkatsııany salý úshin jobalyq-smetalyq qujattama ázirlenedi. Budan buryn jerasty sýlarynyń deńgeıin tómendetý úshin 5 qudyq burǵylanyp, sý saqtaý shuńqyry salynǵan, 3 sorǵy stantsııasy ornatylǵan.


Kezdesýde jergilikti turǵyndar monopolıst kompanııa «Pavlodar sý kanaly» JShS-na qarata tarıfterdiń, sýdy esepteý aspaptary qunynyń aıqyndyǵyna qatysty narazylyqtaryn da bildirdi. Baýyrjan Baıbek óz kezeginde taıaý ýaqytta partııa alańynda barlyq múddeli organdardyń qatysýymen ashyq partııalyq tyńdaý ótkizýdi tapsyrdy.

Jumys sapary barysynda partııa tóraǵasynyń birinshi orynbasary «Munaıhım» kásipornynyń qyzmetkerlerimen de kezdesti. Munda áleýmettik jáne eńbek quqyqtaryn qorǵaý salasyndaǵy ózekti máseleler talqylandy. Baýyrjan Baıbek Elbasy bastamasymen qolǵa alynǵan ındýstrıalandyrý baǵdarlamasynyń arqasynda óńirde myńdaǵan jumys ornynyń ashylǵanyn tilge tıek etti.

«Jumyspen qamtýmen qatar jaıly jáne qaýipsiz eńbek jaǵdaıyn jasaý qajet. Bul úshin bastaýysh partııa uıymdary kásipodaqtarmen birlesip kásiporyn basshylyǵyna týyndaǵan máseleler men qyzmetkerlerdiń usynys-tilekterin ýaqtyly jetkizip otyrýy tıis. Bul rette birde-bir suraqty nazardan tys qaldyrýǵa bolmaıdy. Prezıdentimizdiń «halyq únine qulaq asatyn memleket» tujyrymdamasynyń naqty iske asýy degenimiz osy» - dep atap ótti ol.

Sonymen qatar Baýyrjan Baıbek Pavlodar oblysyndaǵy partııa aktıvimen kezdesý ótkizip, onda sáýir-mamyr aılarynda ashyq ishki partııalyq saılaý - praımerız ótkizýge daıyndyq barysy týraly pikir alysty.


«Partııamyzdyń lıderi, Elbasynyń tapsyrmasy boıynsha barlyq deńgeıdegi máslıhattarǵa usynylatyn tizimdi túzý kezinde onda áıelderdiń 30%-ten, al 35 jasqa deıingi jastardyń 20%-ten kem bolmaýyna qol jetkizý josparlanýda. Sondaı-aq máslıhattarǵa basqa da áleýmettik toptardyń ókilderi usynylýy tıis. Atap aıtqanda, erekshe qajettilikteri bar jandar, kópbalaly analar jáne taǵy basqalary qamtylýy kerek. Bul rette qoǵamdyq pikir kóshbasshylaryn jáne úkimettik emes uıymdardyń el ishinde sózi ótimdi, jurtshylyqtyń senimine ıe bolǵan ókilderin ilgeriletýge basa nazar aýdarylady.

Bizdiń qaǵıdatymyz – «Jigerli lıderler – Qýatty partııa». Azamattyq qoǵammen qoıan-qoltyq aralasyp, ózara birlese áreket etý ǵana azamattarymyzdyń ál-aýqatyn arttyrýdy qamtamasyz etýge jol ashatynyna senimdimin!» - dep málimdedi partııa tóraǵasynyń birinshi orynbasary.

Kezekten tys konferentsııa barysynda oblys ákimi Ábilqaıyr Sqaqov Pavlodar oblystyq fılıalynyń tóraǵasy bolyp saılandy.

Jumys saparynyń birinshi kúnin qorytyndylaı kele, Baýyrjan Baıbek partııanyń qoǵamdyq qabyldaý bólmelerine pavlodarlyqtardan kelip túsken ótinishterdi saraptaý arqyly sheshimin kútken birinshi kezektegi mindetterdiń aýqymy anyqtalǵanyn atap ótti. Bular – áleýmettik qamtý, bilim berý, densaýlyq saqtaý, qorshaǵan ortany qorǵaý sapasy, sondaı-aq, turǵyn úı qorynyń mardymsyz jaǵdaıy, eldi mekenderdi abattandyrý jáne taǵy da basqa kóptegen máseleler.

«Azamattarymyzdy alańdatyp otyrǵan máseleler búginde ázirlenip jatqan aımaqty damytýdyń 5 jyldyq baǵdarlamasyna engiziledi. Biz ár qalany, aýdandy jáne aýyldy qamtýdy josparlap otyrmyz. Osy baǵyttaǵy jumystardy partııa ortalyq jáne jergilikti memlekettik organdarmen birlese otyryp birneshe aıdan beri júrgizip te keledi. «Nur Otan» túıindi máselelerge qulaq asyp qana qoımaı, olardy sheshý úshin naqty sharalardy qolǵa alýy kerek. Ol úshin bizde qajetti resýrstar bar, eń bastysy, qarapaıym halyq qoldap otyr» - dedi ol.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT