+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Baýyrjan Baıbek óńirlik saılaýaldy baǵdarlamalardyń oryndalýyn tekserýge shyqty

2021 jylǵy 23 qyrkúıek 19:06
Bólisińiz:
Baýyrjan Baıbek óńirlik saılaýaldy baǵdarlamalardyń oryndalýyn tekserýge shyqty

NUR-SULTAN. QazAqparat – «Nur Otan» partııasy tóraǵasynyń birinshi orynbasary Baýyrjan Baıbek óńirlik saılaýaldy baǵdarlamalarynyń júzege asyrylý barysyn tekserýge shyqty, dep habarlaıdy QazAqparat.

Uqsas jańalyqtar
Mektep pen aýrýhana salý Nur Otan-nyń erekshe baqylaýynda

Bul týraly Baýyrjan Baıbek óziniń Facebook paraqshasynda jazdy.

«Nur Otan» Saıası keńesiniń keńeıtilgen otyrysy qarsańynda Elbasy, partııa Lıderi Nursultan Nazarbaevtyń tapsyrmasy boıynsha 216 óńirlik saılaýaldy baǵdarlamanyń iske asyrylý barysymen tanysý úshin aýdandardy da qamtı otyryp, aımaqtardy aralaýǵa shyqtym. Búgin Aqmola oblysynda birqatar kezdesýler ótkizdim.⠀

Memleket basshysy Qasym-Jomart Toqaev jarııa etken «Ózgerister joly: Ár azamatqa laıyqty ómir!» Saılaýaldy baǵdarlamasy aıasynda 2025 jylǵa deıin óńirde ómir sapasyn jaqsartý boıynsha mindetter iske asyrylady. Máselen, 3,5 mln. sharshy metr turǵyn úıdi engizý, 80 myń jumys ornyn asha otyryp, 245 jańa jáne qoldanystaǵy kásiporyndardy iske qosý jáne keńeıtý, aýyl halqyn, ıaǵnı jarty mıllıonǵa jýyq turǵyndy 100% sapaly aýyz sýmen qamtamasyz etý, 103 mektep salý jáne jóndeý, sondaı-aq taǵy basqa sharalardy iske asyrý josparlanǵan»,-dep jazdy tóraǵanyń orynbasary.

8 aıdyń qorytyndysy boıynsha 475 ındıkatordyń 27%-ti oryndaldy. Mysaly, 379 myń sharshy metr turǵyn úı, 209 km sýmen jabdyqtaý jelisi, 111 km gaz qubyry salynyp, jóndeldi. Jyl sońyna deıin Kókshetaýda 6 jańa mektep jáne № 1 mektep-gımnazııaǵa irgeles 600 oryndyq japsarjaı paıdalanýǵa engiziletin bolady. 14 myńdaı jańa jumys oryndary ashyldy.⠀

«Aqmola oblysynyń ákimi, fılıal tóraǵasy Ermek Marjyqpaevpen birge «Nur Otan»-nyń saılaýaldy baǵdarlamasyna sáıkes Bulandy aýdanynda salynyp jatqan birqatar kásiporyndarda boldym. Máselen, Makınsk qus fabrıkasyn jańǵyrtý kásiporynnyń óndirisin arttyryp, ónimin eksporttaýdy ulǵaıtýǵa, sondaı-aq qosymsha 700-den astam jańa jumys ornyn qurýǵa múmkindik beredi.⠀

Sodan keıin Makınsk qalasynda «Bota-2015» JShS-nyń qýaty táýligine 600 tonna shıkizatty óńdeıtin jańa maı zaýytynyń qurylysymen tanystym. Investıtsııa kólemi 5 mlrd. teńgeni qurap, 80 jańa jumys ornyn ashady»,-dedi B.Baıbek.


Jalpy, taıaýdaǵy 5 jylda «Nur Otan» agrarlyq sektorda 500 myń adamǵa deıin jumyspen qamtamasyz etý jóninde mindet qoıyp otyr. 2025 jylǵa qaraı aýyl sharýashylyǵynda jalpy ónim kólemin 1,3 ese, eńbek ónimdiligin – 2,5 ese, al eksportty óńdelgen ónimniń úlesin 70%-ke jetkize otyryp, 2 ese ulǵaıtýdy josparlaýda. Bul eldi ózi óndirgen negizgi azyq-túlik taýarlarymen qamtamasyz etedi.⠀

«Sondaı-aq, Kókshetaýda Aqmola, Qostanaı jáne Soltústik Qazaqstan oblystarynda partııanyń saılaýaldy mindetteriniń oryndalýy boıynsha onlaın-formatta keńes ótkizdim.⠀

Oń nátıjelerge qaramastan, jekelegen saılaýaldy ýádeler boıynsha jyl sońyna deıin oryndalmaı qalý qaýpi bar. Bul 60% jaǵdaıda jete qarjylandyrmaýǵa baılanysty. Máslıhattardaǵy fraktsııalarymyzdyń jetekshi rólin eskere otyryp, 3 jyldyq kezeńge arnalǵan jergilikti bıýdjet jobalaryn qaraý kezinde atalǵan máselelerge erekshe nazar aýdarýdy tapsyrdym,-dedi ol.

Sondaı-aq, jekelegen aýdandar men qalalarda jobalyq qujattamanyń daıyn bolmaýyna, jer ýchaskeleriniń, ruqsattardyń jáne t.b. bolmaýyna baılanysty oryndalmaı qalý qaýpi bar. Osy máselelerdiń barlyǵy naqty sharalar qabyldana otyryp, partııa janyndaǵy keńesterdiń talqylaýyna shyǵarylatyn bolady.⠀

Elbasy, partııa Lıderi Nursultan Nazarbaev aıtqandaı, bizdiń negizgi mindetimiz – barlyq saılaýaldy ýádelerdi oryndaý. «Nur Otan» naqty ister partııasy retinde qazaqstandyqtardyń artqan senimin aqtaý úshin qolda bar búkil resýrsyn jumyldyrady.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT