+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

Baýyrjan Baıbek: Maqsat - turǵyndarmen kezdesý arqyly ózekti máselelerdi anyqtaý, sheshýge atsalysý

2020 jylǵy 29 qańtar 17:00
Bólisińiz:
Baýyrjan Baıbek: Maqsat - turǵyndarmen kezdesý arqyly  ózekti máselelerdi anyqtaý, sheshýge atsalysý

ATYRAÝ. QazAqparat - «Nur Otan» partııasy Tóraǵasynyń Birinshi orynbasary Baýyrjan Baıbek jumys saparymen Atyraýǵa keldi, dep habarlaıdy oblys ákimdiginiń resmı saıty.

Uqsas jańalyqtar
«Halyqqa kómek»: Qostanaıda konsýltatsııalyq ortalyq ashyldy Baıbek memlekettik basqarýdaǵy áıelder týraly: Halyqtyń eń belsendi, eljandy bóligi «Nur Otan» Saıası keńesi otyrysynda qandaı máseleler talqylanady

Aımaqqa jasalǵan bul sapardyń negizgi maqsaty – óńirdiń jaı-kúıimen tanysý, qarapaıym turǵyndarmen kezdesý arqyly jergilikti turǵyndardy tolǵandyryp júrgen naqty máselelerdi anyqtap, solardy sheshýge atsalysý jáne jurtshylyqty partııanyń aldaǵy josparlarymen keńinen tanystyrý boldy.

Partııa Tóraǵasynyń Birinshi orynbasary óńirge saparyn Atyraý oblysynyń ákimi Mahambet Dosmuhambetovpen birge Maqat aýdanyna qarasty Dossor kentinen bastap, osyndaǵy «Birlik» yqsham aýdanynyń turǵyndarymen kezdesti. Qarapaıym adamdarmen emen-jarqyn suhbattasyp, bıylǵy birinshi jartyjyldyqta partııa ókilderiniń elimizdiń barlyq óńirlerine baryp, Elbasy, partııa Tóraǵasy N.Á. Nazarbaevtyń baǵdarlamalyq memlekettik jáne partııalyq qujattarda berilgen tapsyrmalarynyń oryndalýyn qadaǵalaıtynyna, jergilikti jerlerdegi ózekti problemalardy zerdeleý arqyly halyqtyń naqty suranystaryn eskere otyryp, aýmaqtyq baǵdarlamalar ázirlenetinine toqtaldy.

Ótken jyldyń sońynda jergilikti BAQ-ta osy eldi mekende ózekti bolyp otyrǵan temir jol arqyly ótetin jaıaý júrginshiler kópirin salý jaıynda másele kóterilgen edi. Osy jáıtti tilge tıek etken Baýyrjan Baıbek kezdesýge jınalǵan qaýymǵa partııanyń bul máseleden habardar ekenin jáne ony ýaqtyly sheshý sharalaryn qarastyryp jatqanyn jetkizdi.

- Estýim boıynsha, kent halqynyń kópshiligi bir jaqta turady, al temir joldyń arǵy jaǵynda eki mektep, bir balabaqsha ornalasqan. Sondyqtan qaýipsizdik úshin temir jol arqyly jaıaý júrginshiler kópiri kerek degen usynys oryndy. Biz osynda oblys ákimimen, memlekettik organdardyń oblystyq basshylarymen birge osy problemany sheshý jolyn talqylaý úshin kelip otyrmyz.

Jergilikti jerden saılanǵan depýtattarymyz bar, basqa da múmkindikter bar. Olar halyqpen birlese otyryp, jergilikti jerde jumys isteý kerek. Sony Elbasymyz da, Prezıdent te aıtyp otyr. Sol úshin qadaǵalap, búgin tıisti kezdesýlerdi ótkizip, osy máselelerdi qaraımyz, sheshemiz, - dedi Baýyrjan Baıbek.

Qazirgi ýaqytta oblystyq jáne jergilikti bılik ókilderi aldyn ala esepter júrgizip, kópir qurylysy úshin jobalaý smetalyq qujattardy ázirleýge qarajat bólý josparlanǵan. Onyń qurylysyn 2021 jyldyń ekinshi jartyjyldyǵynda aıaqtaý kózdelýde. Baýyrjan Baıbek jergilikti memlekettik organdardyń osy nysannyń qurylysyn jyldamdatýyn jáne turǵyndar kótergen basqa da máselelerdi partııanyń oblystyq fılıalyna baqylaýǵa alýdy tapsyrdy.

Kezdesý barysynda turǵyndar budan bólek kóshe jaryǵy, jol sapasy sekildi birqatar máselelerdi kóterdi. Óz kezeginde B. Baıbek bulardyń barlyǵy da nazarǵa alynyp, tıisinshe sheshimin tabatynyn aıtty.

Budan keıin partııa Tóraǵasynyń Birinshi orynbasary saıası uıymnyń «Dossormunaıgaz» bastaýysh uıymy múshelerimen kezdesip, óz azamattarymyzdyń múddesin qorǵaý, olardyń áleýmettik jaǵdaıyna kóńil bólý, sheteldik jumys kúshin tartýdy shekteý máselelerine keńinen toqtaldy. Bul rette el Prezıdentiniń Ulttyq qoǵamdyq senim keńesiniń ekinshi otyrysynda osy másele boıynsha bergen tapsyrmasynyń sapaly oryndalýyna basa mán berdi. Sonymen birge B. Baıbek partııanyń óńirlerdegi bastaýysh uıymdarynyń jumysyn kúsheıtý, olardyń atqarýy tıis mindetterin tarata aıtyp berdi.

«Partııanyń bastaýysh uıymdary naqty máselelerge qatysýy kerek dep oılaımyn. Qaladaǵy turǵyn úı kommýnaldyq sharýashylyǵy máselesi sııaqty naqty bir másele sheshilse quba-qup. Partııa músheleri ákimderden osylardy talap ete alady. Jaqynda ǵana osy aýdannyń ákimi esep beripti, keıbir adamdar estimeı, bilmeı qalǵan. Bári ashyq túrde bolýy kerek. Biz qazir bes jyldyq baǵdarlamany talqylaımyz. Sodan keıin ishki partııalyq irikteýdi jasaǵaly otyrmyz.
Elbasy, «Nur Otan» partııasynyń Tóraǵasy óńirdegi partııalastardy jınaǵan kezde «árbir máslıhatta 30 paıyz áıel adam bolýy kerek. Ár máslıhatta keminde 20 paıyz jastar bolýy kerek» dep aıtty. Ol degen bizdiń analarymyz, qaryndastarymyz kóterilý kerek degen sóz. Bizde saılaýshylardyń 52 paıyzy áıel adamdar eken. Eń qıyn jumystardy da áıel adamdar atqarady. Balabaqsha, bastaýysh mekteptiń bárinde áıelder jumys isteıdi. Áıel adamdardyń qoǵamdyq ómirde belsendiligi bar bolsa, olarǵa mindetti túrde jaǵdaı jasaý kerek.
Nur Otan partııasynan basqa bıleýshi kúshtiń joq ekenin kóbimiz bilemiz. Nur Otan -memlekettik emes uıym. Partııa úshin mınıstr, ákim barlyǵy birdeı.
Bizdiń negizgi maqsatymyz - Qazaqstannyń ósip-órkendeýi. Bizdiń eń úlken jetistigimiz – el Táýelsizdigi», - dedi partııa Tóraǵasynyń Birinshi orynbasary.
Sonymen qatar B. Baıbek osy bastaýysh uıym janyndaǵy qoǵamdyq qabyldaýda birneshe azamatty qabyldap, kent turǵyndarynyń ótinishterin, kótergen máseleleri men usynystaryn tyńdady. Qabyldaýǵa kelgender turǵyn úı sharýashylyǵynyń, jaı-kúıi, turmysy tómen otbasylarǵa qoldaý kórsetý, áleýmettik ınfraqurylymdy jetildirý sekildi máselelerdi qozǵady.

Qoǵamdyq qabyldaýda bolǵan osy aýdannyń turǵyny, zeınetker Sábıt Halenov aýrýhananyń jylý júıesine jóndeý júrgizýdi jáne aýdan turǵyndaryn qosymsha jedel medıtsınalyq kómek kóligin bólý máselesin kóterdi.

Partııanyń jergilikti fılıalynyń tóraǵasy men aýdan ákimi zeınetkerdiń ótinishi oryndalatynyna, bıyl aýrýhananyń jylý júıesine jóndeý júrgiziletinin aıtty. Al aýdan turǵyndaryn qosymsha jedel medıtsınalyq kómek brıgadasymen qamtamasyz etý máselesi boıynsha oblystyq densaýlyq saqtaý basqarmasymen birge ony oryndaýdyń naqty merzimi belgilendi. Bul máseleni «Nur Otan» partııasynyń máslıhattaǵy fraktsııasynyń depýtattary turaqty baqylaýǵa alatyn boldy.

«Nur Otan»-nyń basshylyq quramynyń munaıly óńirge jasaǵan bul sapary ary qaraı Jylyoı aýdanyna ulasty. Partııa Tóraǵasynyń Birinshi orynbasarymen kezdesýge aýdan basshylyǵy, aýdandyq máslıhat depýtattary qatysty. Munda Aýmaqtardy damytý baǵdarlamalary men partııanyń saılaýaldy baǵdarlamalaryn ázirleý jaıy sóz boldy. Kezdesýde sóz alǵan Baýyrjan Baıbek depýtattyq fraktsııanyń jumysyn kúsheıtý, saılaýaldy baǵdarlamany ázirleýde jańa tásilderge júginý jaıyn qozǵady. Ásirese, bul mańyzdy qujatty daıyndaýǵa jáne ony jan-jaqty talqylaýǵa partııalastardyq barynsha belsendilik tanytqandary jón ekenin jetkizdi.

Іssapardyń birinshi kúniniń sońyn Baýyrjan Baıbek partııanyń Jylyoı aýdandyq fılıalynyń partııalyq kadrlyq rezervine qatysýshylarmen kezdesý arqyly túıindedi.

Bas qosýda partııa Tóraǵasynyń Birinshi orynbasary partııalyq jaýapkershilikti kúsheıtý qajettigine toqtalyp, Elbasy usynǵan partııany jandandyrý baǵdarlamasynyń ekinshi kezeńine aıaq basqanymyzdy atap ótti. Bul rette saıası uıymdy odan ári sapalyq turǵydan nyǵaıta túsý úshin «jigerli lıderler – qýatty partııa» tujyrymdamasyn berik ustanýdy usyndy.

Osy maqsatta úsh máselege nazar aýdarý aıtyldy. Birinshiden, el ishindegi bilimi men biligi mol, sózi ótimdi, isker de bedeldi jandardy partııa mańyna tartyp, olarǵa óz oılary men ıdeıalaryn, qarym-qabiletin iske asyrýǵa múmkindik berý. Ekinshiden, árbir óńirdiń ereksheligi men naqty máselelerin esepke ala otyryp, arnaıy baǵdarlamalar jasaý, sodan keıin osyny halyqqa jatyq ta jeńil tilmen túsindirý jumystaryn júrgizý. Osyndaı ozyq saıası tehnologııalardyń biri retinde praımerızdi atady.

- Biz árbir óńirde praımerız ótkizemiz. Naýryzda Saıası keńestiń otyrysy bolady. Sol kezde praımerız ótkizý tártibin bekitemiz. Qazir pılottyq joba ótti. Sáýir-mamyr aılarynda naqty praımerız ótkiziledi. Qazaqstan boıynsha 920 myń adamdy uıymdastyryp, halyqqa biz múmkindiginshe ózimizdiń saıasatymyzdy túsindirýimiz kerek. Halyqty biriktirýimiz qajet. Partııa degen qural. Bizdiń maqsatymyz - bılikke kez kelgen salada daryndy, adal, bilimdi azamattardy keltirý. Buǵan ishki partııalyq irikteý múmkindik bermek. Praımerız ótkizý tártibi bekitilgen soń ony ózderińizge jiberemiz, - dedi B. Baıbek.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT