+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Baýyrjan Baıbek Almatyda azamattardy qabyldady

2021 jylǵy 22 shilde 10:23
Bólisińiz:
Baýyrjan Baıbek Almatyda azamattardy qabyldady

ALMATY. QazAqparat - «Nur Otan» partııasy Tóraǵasynyń Birinshi orynbasary Baýyrjan Baıbek Almatyda azamattardy qabyldady, dep habarlaıdy QazAqparat.

Ol 2016 jyly ońtústik astanada oryn alǵan terakt kezinde qaza tapqan polıtseı Aıan Ǵalıevtiń otbasymen jáne 10 bala tárbıelep otyrǵan kópbalaly jalǵyzbasty anamen kezdesti dep habarlaıdy «AstanaTV» telearnasyna silteme jasap.

5 jyl buryn almatylyq polıtseı Aıan Ǵalıevtiń otbasy asyraýshysynan aıyryldy. Polıtsııa qyzmetkeri terrorısttiń qolynan qaza tapty. Marqumnyń zaıyby men eki balasyna Tuńǵysh Prezıdent Nursultan Nazarbaevtyń atynan sol kezdegi qala ákimi Baýyrjan Baıbek páter kiltin tabys etken bolatyn. Jańa qonys ıeleriniń turǵyn úıge alańsyz jaıǵasýy úshin jóndeý jumystaryna da kómek berildi. «Sodan beri memlekettiń ǵana emes, barsha qazaqstandyqtardyń qoldaýyn sezinip kelemiz», - deıdi polıtsııa qyzmetkeriniń jesiri Anar Asanova partııa Tóraǵasynyń birinshi orynbasarymen kezdesý barysynda.


«Bul tragedııa bolǵan kezde men balalarymyz, olardyń bolashaǵy úshin qatty alańdadym. Óıtkeni, biz asyraýshymyzdan aırylyp qaldyq. Biraq, keıin biz jalǵyz emes ekenimizdi uǵyndyq. Bizge memleket, Elbasy aýqymdy kómek pen qoldaý kórsetti. Bizge syıǵa berilgen páter men erekshe nazar aýdarǵandary úshin alǵysym sheksiz. Jubaıymnyń ózi ómirden ótse de, ol bizge memlekettiń atynan áli de kómek berip jatyr», - dedi Anar Asanova.

Baýyrjan Baıbek kópbalaly ana Aınur Arǵynbekovamen de kezdesti. Kúıeýi qaıtys bolǵan soń 10 balasymen qalǵan kelinshek nebir qıyn kúnderdi bastan ótkergenin aıtty. Qarajattyń tapshylyǵynan ólmestiń kúnin keship, úı-kúısiz júrgende memleket kómek qolyn sozǵan. Metsenattardyń qoldaýymen jalǵyzbasy ana Almatydan úsh bólmeli páter aldy.

«4 jyl buryn Elbasy atynan Baýyrjan Qydyrǵalıulynyń qolynan páter kiltin aldyq. Búgin ol bizdi taǵy da kezdesýge shaqyryp, hal-jaǵdaıymyzdy surap jatyr. Osyndaı qamqorlyǵy úshin raqmet aıtamyn. Eger memleket bolmasa, ne isterimdi tipti, bilmes edim»,- dedi Aınýr Argynbekova.

Óz kezeginde «Nur Otan» Tóraǵasynyń birinshi orynbasary Baýyrjan Baıbek azamattardy qabyldaý barysynda búginde Elbasy, partııa Lıderi Nursultan Nazarbaev pen Memleket basshysy Qasym-Jomart Toqaevtyń tapsyrmasy boıynsha áleýmettik osal toptarǵa, kópbalaly otbasylarǵa da erekshe kóńil bólinetinin atap ótti. «Baqytty otbasy» baǵdarlamasy qarqyndy iske asyrylýda.

Bul máseleden «Nur Otan» partııasynyń músheleri de shette qalmaıdy. Jyl basynan beri partııanyń qoǵamdyq qabyldaýlary 14 myńnan astam qabyldaý ótkizip, 74 myń qazaqstandyqtyń muń-muqtajyn tyńdady. Ótinishterdiń 96%-y oń sheshimin taýyp, konsýltatıvtik, quqyqtyq jáne ózge de kómek kórsetildi. Qalǵan 4% oryndalý ústinde. Jalpy, sońǵy 2 jylda partııa músheleri jarty mıllıonnan astam ótinish qabyldady. Olardyń 74% ınternet arqyly joldanǵan», - delingen sıýjette.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janat Qapalbaeva
Janat Qapalbaeva
954-059

MURAǴAT