+7 (701) 759 90 19
USD 380.84 EUR 419.50
RUB 6.05 CNY 54.90
Jańalyqtar

Batysqazaqstandyq jelaıaq Aqsaıdan Oralǵa deıin júgirip ótti

2019 jylǵy 16 jeltoqsan 11:52
Bólisińiz:
Batysqazaqstandyq jelaıaq Aqsaıdan Oralǵa deıin júgirip ótti

ORAL. QazAqparat – Batysqazaqstandyq jelaıaq Baýbek Іlııasov Aqsaıdan Oralǵa deıin 150 shaqyrym qashyqtyqty júgirip ótti, dep habarlaıdy QazAqparat tilshisi.

Óziniń aıtýynsha, ol 15 saǵat boıy toqtaýsyz júgirgen.

«Osydan eki apta buryn dosym Azamat Temirhanov ekeýmiz 70 shaqyrym júgirip kelip edik. Bul joly Aqsaıdan Oralǵa deıin júgiretin bolyp sheshtik. 15 jeltoqsan kúni saǵat 14.41-de bastadyq. Bastapqyda qıyn boldy. Bórliden Terekti aýdanyna ótip, 79 shaqyrymdy artqa tastaǵan mezgilde Uralsk Runners júgirý klýbynyń músheleri, dostarymyz Armat Tórebekov pen Jansaıa Óteǵalıeva qarsy alyp, mashınamen qasymyzda júrip otyryp, barlyq kerek-jaraqpen qamtamasyz etti», deıdi B.Іlııasov.

Odan keıin Terekti aýdany ıAık aýylyna jetkende (105 km), Azamattyń aıaǵy syr berip, eski jaraqaty shyǵyp, júgirýdi toqtatty. Sodan soń Baýbekke jalǵyz júgirýge týra kelgen. Jolshybaı az-kem qorektengeni bolmasa, toqtamaǵan jelaıaq Oralǵa 15 jeltoqsan kúni tańǵy saǵat 05.40-ta jetti.

«Bul júgirý saparymyzdy Táýelsizdik meıramyna arnadyq. Tún uıqysyn qıyp, bizge kómektesken Armat pen Jansaıa dostarymyzǵa, Oralda meni jattyqtyryp júrgen Nábek Іzǵalıulyna alǵysymdy aıtamyn», dedi Baýbek.

Bul - B.Іlııasovtyń bir ǵana jetistigi emes. Bıyldyń ózinde Almaty marafonynda 9-ynshy, Aqtóbede jartylaı marafonda besinshi orynǵa ilikti. Qaztalov aýdany men Qostanaıda ótken jartylaı marafonda sáıkesinshe birinshi jáne úshinshi orynǵa ıe boldy. Terekti marafonynda, oblys chempıonaty men Atyraý Dala Reıs jarysynda aldyna jan salmasa, Oralda ótken «Aqjaıyq» marafonynda (42,2 km) qola júldeger atandy. Taraz qalasynda ótken Qazaqstan chempıonatynda úzdik ondyqtyń qataryna endi.

Eske sala keteıik, budan buryn batysqazaqstandyq ýltramarafonshylardyń Oraldan Atyraýǵa deıin 500 shaqyrym qashyqtyqty júgirip ótkenin jazǵan bolatynbyz.

Bizdiń kanalymyzǵa jazylyńyz:

Basty sózder: Batys Qazaqstan oblysy, Sport,
Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT