+7 (701) 759 90 19
USD 399.67 EUR 452.95
RUB 5.82 CNY 56.36
Jańalyqtar

Batysqazaqstandyq volonterler polıtseıler men dárigerlerge ystyq tamaq jetkizdi

2020 jylǵy 8 sáýir 03:22
Bólisińiz:
Batysqazaqstandyq volonterler polıtseıler men dárigerlerge ystyq tamaq jetkizdi

ORAL. QazAqparat – Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń volonterler toby dárigerler men polıtseılerge ystyq tamaq jetkizdi, dep habarlaıdy QazAqparat tilshisi.

Memleket basshysynyń tapsyrmasyna sáıkes qolǵa alynǵan «Biz birgemiz!» jalpyrespýblıkalyq sharasyna batysqazaqstandyq JOO osylaısha úles qosty.

Jáńgir han atyndaǵy BQATÝ-dyń tárbıe jáne áleýmettik jumystar jónindegi prorektory Aqylbek Sultanovtyń aıtýynsha, eriktiler «Ivýshka» karantındik statsıonary men «Kýmyska» provızorlyq gospıtalinde, oblystyq jedel járdem stansasynda eńbek etip jatqan medıtsına qyzmetkerlerine, sondaı-aq 9 blokposttaǵy polıtseılerge, barlyǵy 240-taı adamǵa ystyq tamaq apardy.

Sonymen qatar ýnıversıtet ardagerlerine asa qajetti azyq-túlik ónimderi jetkizildi. Sóıtip 75 zeınetker bir aıǵa jetetin azyq-túlikpen qamtyldy.

Jáńgir han atyndaǵy BQATÝ-dyń jastar bastamalaryn damytý ortalyǵynyń dırektory Ashat Ókshebaev shara barysynda turǵyndardy úıde otyryp, barlyq qaýipsizdik talaptaryn saqtaýǵa shaqyrdy.

«Biz tótenshe jaǵdaı kezinde úzilissiz eńbektenip jatqan polıtsııa jáne medıtsına qyzmetkerlerine alǵysymyzdy bildiremiz. Mundaı kezeńde bárimiz de bir bolyp, qoldan kelgen kómegimizdi aıamaýǵa tıistimiz. Ár adam jaýapkershiligin sezinip, sonyń ishinde turǵyndar óz densaýlyǵyn oılap, úılerinde otyrǵany mańyzdy», dedi A.Ókshebaev.

Oblystyq jedel járdem stansasy dırektorynyń emdeý jumysy jónindegi orynbasary Gúlnár Jumaǵalıeva karantın jaǵdaıynda ár maýsym saıyn 10 brıgadanyń jumys jasap jatqanyn jetkizdi.

BQO polıtsııa departamenti tyl basqarmasynyń bastyǵy, polıtsııa podpolkovnıgi Erjan Erǵarınniń sózine qaraǵanda, Melovye gorkı mańyndaǵy №2 blokposttan kúnine 350-400-deı avtokólik ótedi. Munda da barlyq jumystar talapqa saı atqarylýda.

«25 qyzmetker eńbek etetin «Ivýshka» karantındik statsıonarynda 1 «a» sanatyna jatatyn elderden kelgen adamdar jatyr. Olar kún saıyn alty márte aýqattanady. Kúndiz jáne túngi aýysymda jumys jasaıtyn qyzmetkerler de ystyq tamaqpen qamtamasyz etilgen. Ýnıversıtet qyzmetkerleriniń osynaý yqylasyna rızashylyǵymyzdy bildiremiz», dedi dáriger Ajar Ahmedıarova.

Eske sala keteıik, budan buryn Oralda 80-nen astam volonterdiń 15 myń maska tigip, tegin taratpaqshy ekendigin, BQO-da 120-dan astam adamnyń arnaýly jıynǵa qatysýǵa nıet bildirgenin jazǵan bolatynbyz.




Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT