+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

Batysqazaqstandyq kásiporyndar qaıtkende básekege qabiletti bola alady

2019 jylǵy 21 shilde 18:31
Bólisińiz:
Batysqazaqstandyq kásiporyndar qaıtkende básekege qabiletti bola alady

ORAL. QazAqparat – Prezıdent tapsyrmasyna sáıkes óńirlerde kásiporyndardyń básekege qabiletin arttyrý baǵytynda tıisti sharalar qolǵa alynady, dep habarlaıdy QazAqparat tilshisi.

Uqsas jańalyqtar
«Qarapaıym zattar ekonomıkasy»: Mamın Shymkentte jip ıirý fabrıkasyn iske qosty Aqtaýda polıpropılen qapshyqtar óndiretin kásiporyn iske qosylady Kókshetaýda joǵary tehnologııalyq jańa dıirmen kesheni ashyldy

Memleket basshysy Qasym-Jomart Toqaevtyń jýyrda Úkimettiń keńeıtilgen otyrysynda otandyq kásiporyndardyń ishki jáne syrtqy naryqtaǵy básekege qabilettiligi tómen ekendigin atap ótkeni málim.

Endeshe, bul olqylyqtyń ornyn toltyryp, tuıyqtan shyǵý úshin ne isteý kerek?

Statıstıkalyq málimetterge qaraǵanda, bári qalypty sııaqty. Muny Batys Qazaqstan oblysynyń mysalynan kórýge bolady. Bıylǵy birinshi jartyjyldyqta óńirdiń óńdeý salasynda 90 mlrd teńgeniń ónimi óndirilgen, bul ótken jylǵydan 11,2 paıyzǵa kóp. Endigi mindet – osy qarqyndy saqtap, ónim kólemin ósirý. Ótken jyly bul kórsetkish 200 mlrd teńge bolsa, bıyl ony 210 mlrd teńgege jetkizý kózdelýde.

Eń aldymen ónimderimizdiń óńirdiń nemese elimizdiń ishki qajetin ǵana ótep qoımaı, eksportqa baǵyttalǵany mańyzdy.

Oblys ákimi Ǵalı Esqalıevtiń aıtýynsha, Indýstrııalandyrý kartasyna engizilgen jobalar aıasyndaǵy eksporttyń negizgi ónimderi mynalar – kúshtik transformatorlar, untaq sharlar, polıetılen turbalar, áınek, kondıter, qalbyr jáne makaron ónimderi.

Elbasy tapsyrmasyna sáıkes otandyq eksporterlerdi qoldaýǵa 500 mlrd teńge bólingen.

Oblys boıynsha osy qoldaý-kómekti «Kýbleı», «Steklo-Sevrıs» jáne «KazArmaProm» JShS syndy kásiporyndar paıdalanyp úlgergen. Alaıda barlyǵy birdeı buǵan qol jetkize almaı otyr. Nege? Sebebi birqatar eksporterler qajetti aqparatty der kezinde almaǵan soń, memlekettik qoldaýdan tys qalady.

Qazirgi kezde Saýda jáne ıntegratsııa mınıstrligi qurylǵany belgili. Onyń basty mindeti – otandyq kásiporyndardyń syrtqy naryqqa ónim shyǵarýyna járdemdesý. Endeshe, osy múmkindikti nege tolyǵynan paıdalanbasqa?

Bul rette, árıne, ónimniń sapasy men ótimdiligin umytýǵa bolmaıdy.

Batys Qazaqstannyń elimizdiń ózge óńirlerinen bir aıyrmashylyǵy, Reseıdiń bes birdeı oblysymen shektesedi. Oǵan qosa Qazaqstannyń iri munaıgaz óndiretin oblystary da kórshiles ornalasqan. Bul kásipkerlikti damytyp, syrtqy naryqqa ónimdi kóptep shyǵarýǵa múmkindik beredi.

Taǵy bir aıtatyn jaıt, kásipkerlikti damytýǵa memleket tarapynan qoldaý kórsetilip-aq keledi.

Kásipkerlikti qoldaý kartasy aıasynda 2015 jyldan beri óńirde quny 91,3 mlrd teńgeni quraıtyn 32 joba júzege asyrylyp, 1500 turaqty jumys orny quryldy.

Alaıda osynyń ishinde «Karızma» jıhaz tsehy men «Kroýn Batystyń» mal bordaqylaý alańy jumys jasamaı tur. «Kroýn Batys» boıynsha jumys júrgizilip, ınvestor bul jobany qolǵa almaqshy.

Osy jerde aıta keteıik, memlekettik-jekeshelik áriptestik aıasynda «Crown Batys» JShS men «Qazagro» holdınginiń enshiles kompanııasy – «QazAgroÓnim» AQ birlesip júzege asyrǵan joba (quny – 3571,2 mln. teńge) 2010 jylǵy jeltoqsanda iske qosylyp, 8640 basqa arnalǵan mal bordaqylaý kesheni paıdalanýǵa berilgen edi. Áıtse de ekologııalyq jaǵynan taza, joǵary sapaly sıyr etiniń basym bóligi Reseıge jóneltiledi dep kózdelgenimen, keıin bul bordaqylaý alańy qańyrap, bos qaldy. Bul josparlaý kezinde qatelikter ketkendigin kórsetedi. Shyn mánisinde bordaqylaý alańy jumys jasaǵan jaǵdaıda osynshama maldy qaıdan alady, sonyń bárin aldyn ala oılastyrý kerek qoı.

Qazirgi kezde oblysta osy baǵytta birneshe joba qolǵa alynýda. Aıtalyq, Terekti aýdanynda «Syrym KZ» sharýa qojalyǵy 3 myń basqa arnalǵan, «Mıasnaıa ındýstrııa» JShS Qaztalovta 5 myń basqa arnalǵan (eki jobanyń da quny – 1 mlrd teńge), «Taskala-Et BKO» Tasqalada 5 myń basqa arnalǵan (1,3 mlrd teńge) mal bordaqylaý alańyn salýda. Osy jobalardy júzege asyrǵan kezde aldyńǵy jiberilgen qatelikter qaıtalanbasa deımiz.

Memleket basshysynyń tapsyrmalaryn oryndaý baǵytynda oblys ákimi aktıv otyrysynda naqty mindetter qoıyp, sonyń ishinde statıstıkalyq málimetterdiń retke keltirilýin talap etti. Aıtalyq, bıylǵy 1 maýsymda 700 myń bas iri qara, 208 myń bas jylqy, 26 myń bas shoshqa, 1,4 mln bas qoı, 280 myń bas eshki. 2,8 myń bas túıe, 1,4 mln bas qus sanaqqa ilikken. Degenmen óńirde is júzinde osynshama mal bar ma, áli de naqtylaýdy qajet etedi. Sol sekildi oblys halqy gazben 95,4 paıyz qamtylǵan delinedi. Áıtse de gaz qubyry keı jerlerde aýyldarǵa jetkizilgenmen, turǵyn úılerge tartylmaǵan. Baǵa da ár túrli, keı jerde bul turǵyndarǵa qymbatqa túsýde. Osynyń bárin retteý qajet-aq. Qaı salada bolsyn, naqty jaǵdaıdy bilip otyrý úshin dál derekter kerek.

2018 jyldyń qorytyndysymen aýyl sharýashylyǵyndaǵy eńbek ónimdiligi boıynsha Batys Qazaqstan respýblıka óńirleri arasynda Jambyl oblysynan keıin eń sońǵy orynda qalǵany belgili. Al kórshiles Mańǵystaý jáne Atyraý oblystary aldyńǵy úshtikte tur. Muny da túzeý aldaǵy kúnderdiń enshisinde.

Eń bastysy, qalada bolsyn, aýylda bolsyn, kásiporyndardyń qalypty jumys jasap, básekege qabiletti bolýy eń aldymen ózderine paıdaly, ekinshiden, Prezıdent alǵa qoıyp otyrǵan negizgi maqsat – halyqtyń tabysyn kóterip, ál-aýqatyn jaqsartýǵa septigin tıgizedi.

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT