Batys oqý ornynyń dıplomy joǵary bilimniń kórsetkishi emes – Toqaev «Bolashaq» baǵdarlamasy týraly
2022 jylǵy 29 qańtar 23:39

Batys oqý ornynyń dıplomy joǵary bilimniń kórsetkishi emes – Toqaev «Bolashaq» baǵdarlamasy týraly

NUR-SULTAN. QazAqparat – Memleket basshysy Qasym-Jomart Toqaev «Habar» jáne «Habar 24» telearnalaryna bergen suhbatynda «Bolashaq» baǵdarlamasymen tehnıkalyq mamandardy Reseıde oqytý jóninde pikir bildirdi, dep habarlaıdy QazAqparat.

«Árıne, eshqandaı mindetteý joq, men jaı ǵana Reseıge oqýǵa jibergen durys degen joramalymdy aıttym. Sebebi munda til máselesi de bar, ıaǵnı tildik kedergi joq, bul bir. Ekinshiden, biz strategııalyq seriktester bolǵandyqtan, birlesken kásiporyndar, onyń ishinde iri bızneske qatysty kásiporyndar bar, bizge Reseıde oqıtyn tehnıkalyq kadrlar qajet. Biraq keıbiri Batysta oqyǵysy kelýi múmkin. Árıne, biz eshqandaı kedergi jasamaımyz», - dedi Qasym-Jomart Toqaev.

Sonymen birge, Prezıdent Batystyń oqý ornynyń dıplomynyń bolýy joǵary bilim kórsetkishi emestigin atap ótti.

«Biraq onda ózindik aıryqsha bilim bar ekenin túsiný kerek. Odan bólek, men batystyq bilimdi dáriptemes edim. Onda da óz problemalary bar jáne biz Batys ýnıversıtetteri de dıplom shyǵaratyn keńselerge aınalyp jatqanyn bilemiz. Aqshany tóle de, biraz ýaqyttan keıin dıplomdy ala ber, keıbir jastarymyz muny paıdalanyp júr», - dedi Qasym-Jomart Toqaev.


Seriktester jańalyqtary

Jańalyqtar

Úrdis

MURAǴAT