+7 (701) 759 90 19
USD 419.66 EUR 500.44
RUB 5.62 CNY 64.73
Jańalyqtar

Batys Qazaqstannyń bes aýdanynda karantın kúsheıtildi

2021 jylǵy 19 qańtar 22:42
Bólisińiz:
Batys Qazaqstannyń bes aýdanynda karantın kúsheıtildi

ORAL. QazAqparat – Batys Qazaqstan oblysynyń bes aýdanynda karantın kúsheıtildi. Bul týraly oblys ákimi Ǵalı Esqalıevtiń tóraǵalyq etýimen ótken jedel shtab otyrysynda aıtyldy, dep habarlaıdy QazAqparat tilshisi.

Uqsas jańalyqtar
Júkti kelinshekti jatqyzýdan bas tartqan aýrýhana: ÁMSQ tekserý júrgizdi «Ashyq» jobasy úshin PTR test tapsyrý qajet pe Koronavırýs: Aqmola oblysy «jasyl aımaqqa» ótti

BQO sanıtarlyq-epıdemıologııalyq baqylaý departamentiniń basshysy Muhamǵalı Aryspaevtyń málim etkenindeı, Báıterek, Aqjaıyq, Jánibek, Tasqala, Shyńǵyrlaý aýdandary «qyzyl» aımaqqa kirdi.

Onyń sózine qaraǵanda, óńir de «sary» aımaqtyń sheginde tur.

Oblysta 1-18 qańtar aralyǵynda 764 adamnyń indet juqtyrǵany tirkeldi. Olarmen baılanysta bolǵan 1199 adam tekserilip, medıtsınalyq baqylaýǵa alyndy.

Aýyrǵandardyń 42,8 paıyzy (327-si) – jumys jasaıtyndar, 22,1 paıyzy (169-y) – zeınetkerler, 20 paıyzy (153-i) – jumyssyzdar jáne 5,7 paıyzy (44-i) – 14 jasqa deıingi balalar.

Naýqastardyń 232-si nemese 30,4 paıyzy adamdar kóp jınalatyn jerlerde, 215-i (28,1 paıyzy) buryn aýyrǵan týystarymen oqshaýlaný tártibin saqtamaǵandyqtan, 93-i (12 paıyzy) qoǵamdyq kólikte, 84-i (11 paıyzy) toı-sadaqalarda, 73-i (9,6 paıyzy) jumys ornynda, 67-si (8,8 paıyzy) belgisiz jaǵdaıda indet juqtyrǵan.

Qańtar aıynda oblys kóleminde 33095 PTR zertteý júrgizildi.

Koronavırýstyń órshýine baılanysty Oral qalasy men birqatar aýdandarda shekteý sharalary kúsheıtildi. Mysaly, Báıterek, Bórli aýdandarynda karantın qatańdatyldy. Jánibek aýdanynyń Borsy aýylyna kirip-shyǵýǵa tyıym salyndy. Aqjaıyq aýdanynyń Chapaev, Jańabulaq, Qabyrshaqty aýyldarynda da shekteý sharalary engizildi.

Oblystyq densaýlyq saqtaý basqarmasynyń basshysy mindetin atqarýshy Arman Qalıbekovtiń aıtýynsha, óńirde jeti juqpaly aýrýlar aýrýhanasy bolsa, sonyń ekeýi oblystyq kópbeıindi aýrýhana men oblystyq juqpaly aýrýlar aýrýhanasynda, qalǵan beseýi Bórli, Aqjaıyq, Bókeı ordasy, Jánibek jáne Báıterek aýdanynda ornalasqan.

Jańa modýldik aýrýhananyń ashylýyna baılanysty tósekter sany 579-ǵa jetti. Qazirgi kezde statsıonarlarda 300 naýqas emdelýde. 22 naýqas jansaqtaý bóliminde jatsa, sonyń 9-y – Oral qalasynyń, 13-i – aýyl turǵyndary.

«Táýligine orta eseppen 20 emdelýshi aýrýhanaǵa túsedi. Alǵashqy táýlikterde solardyń teń jartysy derlik jansaqtaý bóliminde jatady. Bul kópshiliginiń medıtsınalyq kómekke birden júginbeıtinin, ýaqyt ótkizip alatynyn kórsetedi. Sonyń saldarynan sozylmaly syrqattary asqynyp ketedi. Jansaqtaý bóliminde kóbine jasy 65-ten asqan, sozylmaly aýrýy bar, aǵzasy álsiregen naýqastar jatady», dedi A.Qalıbekov.

Jıynda sondaı-aq Oral qalasynyń ákimi Abat Shynybekov shaharda karantındik shekteý sharalaryn buzýshylyqtyń jalǵasyp otyrǵanyn, osyǵan baılanysty tıisti ákimshilik sharalardyń alynyp jatqanyn jetkizdi.

Oblys basshysy Ǵ.Esqalıev koronavırýstyń taralýyna tosqaýyl qoıý maqsatynda kúres sharalaryn kúsheıtýdi tapsyrdy.

Eske sala keteıik, budan buryn Oral qalasynda shekteý sharalary kúsheıtiletinin jazǵan bolatynbyz.




Bizdiń kanalymyzǵa jazylyńyz:

Bólisińiz:

Avtor:

Eljan Eraly

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT