Jańalyqtar  >

Batys Qazaqstanda jol apatynan polıtsııa qyzmetkeri kóz jumdy

2022 jylǵy 5 qazan, 18:31
Batys Qazaqstanda jol apatynan polıtsııa qyzmetkeri kóz jumdy

ORAL. QazAqparat – Batys Qazaqstan oblysynda jol apatynan polıtsııa qyzmetkeri kóz jumdy, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, oqıǵa 5 qazan kúni Jańaqala aýdany ortalyǵy Jańaqala aýylynan 4 shaqyrym jerde boldy.

«Saǵat 01.30-da Chapaev-Jańaqala jolynyń 124-shaqyrymynda Jańaqala aýdany polıtsııa bólimi jergilikti polıtsııa qyzmeti bóliminiń bastyǵy, 1985 jylǵy polıtsııa maıory óziniń «Shevrole Kobalt» avtokóliginiń rýline ıe bola almaı, aýdarylyp qalǵan. Jol apaty saldarynan júrgizýshi oqıǵa ornynda kaıtys boldy. Derek QR QK 345-baby 3-bóligine sáıkes tirkeldi», dep habarlady vedomstvodan.

Marqum avtokólikte jalǵyz ózi bolǵan.

Eske sala keteıik, budan buryn Oralda sabaq ústinde 10-synyp oqýshysy kóz jumǵanyn jazǵan bolatynbyz.

Sondaı-aq Shamalǵan stantsııasynda jolaýshylar poıyzy er adamdy qaǵyp ketti.


Uqsas jańalyqtar
Seriktester jańalyqtary

Jańalyqtar