Batys Qazaqstanda jol apatynan eki júrgizýshi kóz jumdy
2022 jylǵy 27 maýsym 22:23

Batys Qazaqstanda jol apatynan eki júrgizýshi kóz jumdy

ORAL. QazAqparat - Batys Qazaqstan oblysynda jol apatynan eki júrgizýshi kóz jumdy, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, oqıǵa 23 maýsym kúni Oral-Atyraý jolynyń 45-shaqyrymynda boldy.

Saǵat 04.00-de 23 jastaǵy ózbekstandyq azamat «DAEWOO NEXIA» avtokóligin aıdap kele jatyp, «VAZ-2110» avtokóligimen betpe-bet soqtyǵysýǵa jol bergen.

«Sonyń saldarynan «VAZ-2110« avtokóliginiń 34 jastaǵy júrgizýshisi oqıǵa ornynda mert boldy. Onyń múrdesi sot-medıtsınalyq saraptamaǵa jiberildi. Túrli jaraqat alǵan 44 jastaǵy jolaýshysy oblystyq kópbeıindi aýrýhananyń travmatologııa bólimshesine jatqyzyldy.

Osy aýrýhananyń jansaqtaý bólimshesine túsken ózbekstandyq júrgizýshi 27 maýsym kúni kóz jumdy.

Qazirgi kezde QR QK 345-baby 4-bóligine sáıkes sotqa deıingi tergeý amaldary júrgizilýde», dep habarlady vedomstvodan.

Eske sala keteıik, budan buryn BQO-da jol apatynan eki sábıdiń zardap shekkenin jazǵan bolatynbyz.


Seriktester jańalyqtary

Jańalyqtar

Úrdis

MURAǴAT