Batys Qazaqstanda jıyrma kúnge jetetin janar-jaǵarmaı qory bar

ORAL. QazAqparat – Batys Qazaqstan oblysynda jıyrma kúnge jetetin janar-jaǵarmaı qory bar, dep habarlaıdy QazAqparat tilshisi.

BQO ákimdigi málim etkenindeı, qazirgi kezde gaz ben janar-jaǵarmaı materıaldaryna qatysty ishki naryqtaǵy jaǵdaı turaqty dep baǵalanyp otyr.

QR Básekelestikti qorǵaý jáne damytý agenttiginiń bıylǵy 5 qańtardaǵy buıryǵyna sáıkes Batys Qazaqstan oblysynda suıytylǵan gaz baǵasy 1 lıtrine 60, Oral qalasynan 200 shaqyrymnan asatyn alys aýdandarda 65 teńgeden bekitildi.

Sondaı-aq elektrondy saýda alańdary arqyly QQS-dan kóterme saýda baǵasy tonnasyna 45 455 teńgeden belgilendi.

Suıytylǵan gazdy ótkizýmen óńirde «Alaý», «Táýekel» jáne «BKKS LPG» JShS aınalysady.

Oblysta barlyǵy 131 janar-jaǵarmaı quıý stansasy bolsa, sonyń 53-i Oral qalasynda, 78-i aýdandarda ornalasqan.

Batys Qazaqstan naryǵynda «Petro Retail», «Neftek Operating», «Merkýrıı Retail», «Moskvıchı» jáne basqa JShS-lar iri operatorlar bolyp tabylady.

Oblysta AI-92 benzıniniń baǵasy ár lıtrine 174 teńge, AI-95 – 210 teńge, dızeldi otyn maýsym kezinde – 268, qysta – 340 teńge.

Eske sala keteıik, budan buryn BQO-da HQO-lar jumysy jandanǵanyn jazǵan bolatynbyz.