Batys Qazaqstanda úshem dúnıege keldi
2022 jylǵy 1 shilde 08:00

Batys Qazaqstanda úshem dúnıege keldi

ORAL. QazAqparat - Batys Qazaqstan oblysynda úshem dúnıege keldi, dep habarlaıdy QazAqparat tilshisi.

Oral qalasyndaǵy oblystyq perınataldyq ortalyqta Aqmaral Jumazova 30 maýsym kúni úsh qyz tapty.

Úshemniń ákesi, Jánibek aýdany Jánibek aýylynda turatyn Eldos Saǵadetovtiń aıtýynsha, olardyń budan buryn bir ul, bir qyzy bar eken.

Endi, mine, Aqmaral ekeýi bes balanyń ata-anasy bolyp shyǵa keldi.

Qazirgi kezde Aqmaral men qyzdary dárigerlerdiń baqylaýynda. Ámına, Rámına, Mádına atanǵan sábılerdiń salmaǵy 2600, 2400 jáne 1900 gramm.

«Ómirge sábı ákelý ońaı emes. Áıteýir bári oıdaǵydaı bolǵanyna qýanyshtymyz. Endi balalarymyz aman-esen ósip ketse, biz úshin sol baqyt», dedi Eldos Bazarbaıuly.

Eldos aýdandyq mektepten tys jumystar ortalyǵynda ustazdyq etýmen birge qolónermen de aınalysady. Astaý, besik, dombyra jasaýdyń has sheberi.

Aqmaral Talǵatqyzy 1-mektep-lıtseıde fızıka páninen dáris beredi.

Jánibektik turǵyndardyń sózine qaraǵanda, bul - aýdan boıynsha alǵashqy úshem.


Uqsas jańalyqtar

Jańalyqtar

Úrdis

MURAǴAT