Batys Qazaqstanda referendýmǵa oraı 444 myńǵa jýyq saılaýshy tirkelgen
2022 jylǵy 20 mamyr 11:39

Batys Qazaqstanda referendýmǵa oraı 444 myńǵa jýyq saılaýshy tirkelgen

ORAL. QazAqparat – Batys Qazaqstan oblysynda 5 maýsymda ótetin respýblıkalyq referendýmǵa oraı 443 833 saılaýshy tirkelgen, dep habarlaıdy QazAqparat tilshisi.

BQO saılaý komıssııasynyń tóraǵasy Ǵaısa Qapaqovtyń málim etkenindeı, óńirde 505 saılaý ýchaskesi bar.

Onyń sózine qaraǵanda, saılaý komıssııalarynda 3259 múshe bolsa, sonyń 98-i – aýmaqtyq, 3161-i – ýchaskelik saılaý komıssııalarynyń músheleri. Komıssııa músheleriniń 80 paıyzdan astamy – burynnan saılaý naýqanyna qatysyp júrgen tájirıbeli adamdar.

«Qazirgi kezde saılaý komıssııalarynyń músheleri testileýden ótip, oqytylyp jatyr. Osyndaı is-shara BAQ jáne basqa áleýmettik toptar, qoǵam ókilderi úshin de uıymdastyrylady. Oblysta elimizdegi asa mańyzdy naýqandy ótkizýge 738 mln 767 myń teńge bólinse, sonyń 597 mln teńgesi saılaý komıssııalarynyń múshelerine eńbekaqy esebinde tólenedi», dedi Ǵ.Qapaqov.

Onyń aıtýynsha, referendým barysyn baqylaýǵa 2500-deı baıqaýshy qatyspaqshy. Sonyń ishinde alys jáne jaqyn shetelden baıqaýshylar keledi dep josparlanýda. Ár saılaý ýchaskesinde kem degende úsh baıqaýshy bolmaqshy.


Uqsas jańalyqtar

Jańalyqtar

MURAǴAT