Batys Qazaqstanda orman alqaby otqa orandy

ORAL. QazAqparat – Batys Qazaqstan oblysynda orman alqaby otqa orandy, dep habarlaıdy QazAqparat tilshisi.

Uqsas jańalyqtar

Almatyda dóner ortalyǵynan órt shyqty

Aqtaýda demalys oryndarynyń birinde meıramhana órtendi AQSh-ta gaz óndirý zaýyty órtenip jatyr Elordadaǵy ashyq aýmaqta qurylys materıaldary órtendi

BQO TJ departamentiniń baspasóz qyzmeti málim etkenindeı, oqıǵa 13 shilde kúni Aqjaıyq aýdanynda boldy.

Saǵat 17.10-da Chapaev orman sharýashylyǵy mekemesi aýmaǵynda 7 gektar qurǵaq shóp pen 20 gektar orman (tal, terek) órtendi. Sondaı-aq Kónekketken aýyldyq okrýgine qarasty Esensaı orman sharýashylyǵynda da orman jalynǵa sharpyldy (aýmaǵy anyqtalý ústinde).

Sondaı-aq saǵat 23.50-de Kolovertnoe aýylynan 10 km jerde Býdarın orman sharýashylyǵynda 5 gektar (tal, terek) orman jandy.

«Tilsiz jaýdy» aýyzdyqtaýǵa BQO TJ departamenti, orman sharýashylyǵy mekemesi, erikti órt sóndirý qurylymdary jumyldyryldy.

Qazirgi kezde órttiń shyǵý sebebi, keltirilgen shyǵyn, kináli adamdar anyqtalý ústinde.

Departament bastyǵy Jasulan Jumashevtiń aıtýynsha, buǵan deıin jyl basynan beri óńirde 3 orman, 8 dala órti oryn aldy. Sondaı-aq jalpy alańy 4654 gektardan astam 180 tabıǵı janý tirkeldi.

Dala órtteri (jalpy aýmaǵy 9363 ga) Syrym (3), Qaratóbe (2), Jańaqala (1), Qaztalov (1) jáne Shyńǵyrlaý (1) aýdanynda boldy.

Sondaı-aq 14 shilde kúni saǵat 02.49-da Oral qalasy Zachagan kenti Taldysaı kóshesi, 4-mekenjaıynda jeke turǵyn úı órtendi. Aýmaǵy 40 sharshy metrdi qamtyǵan órtti sóndirýge 10 adam, 3 tehnıka qatysty.

BQO TJ departamentiniń bas mamany Nuraly Mýsıevtiń sózine qaraǵanda, oblysta barlyǵy 200-den astam órt bolsa, sonyń basym kópshiligi turǵyn úı sektory úlesine tıedi.

Eske sala keteıik, budan buryn Batys Qazaqstanda taǵy úsh adamnyń sýǵa ketkenin jazǵan bolatynbyz.