+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Batys Qazaqstanda oqýshylar koronavırýs juqtyryp, 84 synyp karantınge jabyldy

2021 jylǵy 17 qyrkúıek 13:23
Bólisińiz:
Batys Qazaqstanda oqýshylar koronavırýs juqtyryp, 84 synyp karantınge jabyldy

ORAL. QazAqparat – Batys Qazaqstan oblysynda oqýshylar men muǵalimderdiń arasynda koronavırýstyń tirkelýine baılanysty 51 mektepte 84 synyp karantınge jabyldy, dep habarlaıdy QazAqparat tilshisi.

Uqsas jańalyqtar

BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń óńirlik kommýnıkatsııalar qyzmeti alańynda ótken brıfıngide málim etkenindeı, 39 qaýlyǵa sáıkes qaladaǵy 20 mektepte 32, oblys aýdandarynda 31 mektepte 52 synyp boıynsha oqshaýlaý sharalary qoldanyldy.

Nurlybek Ermekulynyń sózine qaraǵanda, 1 qyrkúıekten beri oblys boıynsha 275 oqýshynyń (137-si qalada, 138-i aýdandarda) koronavırýs juqtyrǵany anyqtaldy. Sonyń ishinde 74 derek oqý protsesiniń bastalýyna baılanysty emes.

Sondaı-aq oqý jyly bastalǵannan beri 49 pedagogtan juqpaly indet tabyldy.

«Muǵalimder, oqýshylar, stýdentter men qyzmetkerler arasynda aýrýdyń oryn alýyna baılanysty kún saıyn monıtorıng júrgiziledi. Barlyq bilim berý uıymdarynda «Ashyq« qosymshasy engizilgeni belgili. Sondyqtan barlyq kelýshilerdi QR-kod (check-in) boıynsha tirkep, olardyń kúndelikti kirý súzgisinen tolyq ótýin qadaǵalaý qajet», dedi N.Mustaev.

Onyń sózine qaraǵanda, qyrkúıek aıynda barlyǵy 1541 adamnyń koronavırýs juqtyrǵany belgili boldy.

Sońǵy aptada (10-16 qyrkúıek) aldyńǵymen (3-9 qyrkúıek) salystyrǵanda, aýrý juqtyrý kórsetkishi 5,3 paıyzǵa (651-den 616-ǵa) tómendegenimen, epıdemıologııalyq jaǵdaı áli de turaqsyz bolyp otyr.

Qyrkúıek aıynda aýyrǵandardyń 810-y (53 paıyz) JRVI belgileri boıynsha qaralǵan. 392-si (25 paıyz) profılaktıkalyq maqsatta tekserilgen. 326-sy (21 paıyz) buryn aýyrǵandarmen baılanysta bolǵan. 13 adamnan (1 paıyz) epıdemıologııalyq qadaǵalaý maqsatynda synama alynǵan.

Osylardyń ishinde 269-y – 14 jasqa deıingiler, 121-i – 15-17, 93-i – 18-25, 366-sy – 26-40, 347-si – 41-60 jas aralyǵyndaǵylar, 345-i – alpystan asqandar.

Eske sala keteıik, budan buryn BQO-da egilýge jatatyn turǵyndardyń 60 paıyzǵa jýyǵy vaktsına saldyrǵanyn jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT