+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Batys Qazaqstanda qosymsha provızorlyq jáne juqpaly aýrýlar aýrýhanasy ashylady

2020 jylǵy 2 shilde 13:48
Bólisińiz:
Batys Qazaqstanda qosymsha provızorlyq jáne juqpaly aýrýlar aýrýhanasy ashylady

ORAL. QazAqparat – Batys Qazaqstan oblysynda qosymsha provızorlyq jáne juqpaly aýrýlar aýrýhanasy ashylady, dep habarlaıdy QazAqparat tilshisi.

Uqsas jańalyqtar
COVID-19: Koronavırýstan saqtandyrý júıesi álemde qalaı jolǵa qoıylyp jatyr Elordada kezekshi synypta qansha bala bilim alýda DDSU basshysy: Memleketter COVID-19 vırýsyn anyqtaıtyn 120 mıllıon ekspress-test alady

Oblys ákimi Ǵalı Esqalıevtiń aıtýynsha, jergilikti kásipkerlerdiń qoldaýymen kópbeıindi qalalyq aýrýhanada qosymsha 140 oryndyq ınfektsııalyq aýrýhana ashylatyn bolady.

Osyǵan deıin karantındik aýrýhana retinde paıdalanýǵa josparlanǵan oblystyq aýrýhananyń ІІ korpýsynda 130 oryndyq provızorlyq aýrýhana iske qosylady. Oǵan qosa burynǵy №2 perzenthana bazasynda qosymsha aýrýhana jáne «QPO b.v.» kompanııasynyń qarajaty esebinen juqpaly aýrýlar aýrýhanasyn ashý máselesi qarastyrylýda.

Aýdandardaǵy juqpaly aýrýlar aýrýhanalarynda oryndardy kóbeıtý jumystary bastaldy.

Búgingi tańda oblys boıynsha koronavırýstyq ınfektsııanyń aýrý belgileri bar 1547 syrqat tirkelgen. Oǵan qosa klınıkalyq belgileri joq 1338 tasymaldaýshy bar. 66 naýqastyń jaǵdaıy aýyr. Aýrýǵa shaldyqqan 21 sábıdiń jaǵdaıy ortasha deńgeıde. Jasandy ókpe jeldetkishine 13 adam qosylǵan. Koronavırýs aýrýynan osy kezge deıin 10 adam qaıtys boldy.


Turǵyndardyń ózin-ózi emdemeı, aýrý belgileri paıda bolǵan jaǵdaıda emhanalarǵa habarlasyp, emdeý týraly usynystar alǵany mańyzdy.

Búginde medıtsınalyq kadrlar men ottegi kontsentratorynyń jetispeýshiligi úlken másele bolyp otyr.

Osyǵan oraı óńir basshysy medıtsına ardagerlerimen, oblystyń densaýlyq saqtaý jáne emdeý mekemeleriniń basshylarymen kezdesip, saladaǵy túıtkildi máselelerdi talqylady. Aǵymdaǵy jáne orta merzimdi máselelerdi sheshýge atsalysatyn densaýlyq saqtaý basqarmasy janyndaǵy alqa quramy jańartyldy.

Tájirıbeli medıtsına qyzmetkerleri onlaın keńester júrgizetin bolady. Naýqastardy úıine baryp josparly emdeý úshin emhanalarǵa 12 avtomobıl bólinedi.

Dárigerlerge júktemeni azaıtý úshin Batys Qazaqstan joǵary medıtsınalyq kolledjindegi feldsherler men medbıkelerdi jedeldetip oqytý qolǵa alyndy. Sondaı-aq elimizdiń basqa qalalaryndaǵy ýnıversıtet túlekteriniń kelýi kútilýde.

On kún ishinde Oraldaǵy kásiporyndardyń birinde Bobrovtyń modıfıkatsııalanǵan tynys alý apparattaryn qurastyrýdy uıymdastyrý josparlanyp otyr.

Oblys ákimi medıtsına ardagerleri men jekemenshik medıtsınalyq mekeme basshylaryn qaýip-qaterge qarsy birlesip kúresýge shaqyrdy.

«Qazir biz úshin kez kelgen kómek mańyzdy. Bizge mamandar, ǵımarattar, demeýshilik qajet. Másele ortaq jáne ony birge sheshý kerek», - dedi Ǵ.Esqalıev.

Taǵy bir aıtatyn jaıt, dári-dármekter tapshylyǵyn azaıtý úshin oblysqa jańa dári-dármek partııalary jetkizilýde. «Talap» AQ dárihanalaryna 300 myń paratsetamol, 45 myń paket atsetılsalıtsıl qyshqyly, «Stofarm» JShS dárihanalaryna 2000 tseftrıakson, 1000 dana tsef 3, 150 dana №50 groprınosın alyndy. 4 shilde kúni «Medservıs Plıýs» JShS-ne 75 300 dana antıbıotıkter jetkiziledi.


2020 jyldyń 10 shildesine deıin oblysqa paratsetamol, atsetılsalıtsıl qyshqyly, analgın, antıbıotıkterdiń qosymsha partııalary jetkiziletin bolady.

Sondaı-aq, Qazaqstannyń Reseıdegi elshiligi arqyly reseılik óndirýshilermen antıpıretıkalyq, qabynýǵa qarsy preparattar men antıbıotıkterdi jetkizý boıynsha kelissózder júrgizilýde. Belarýs Respýblıkasynyń Borısov zaýytymen kelisimder bar.

Halyqty dári-dármekpen qamtamasyz etý úshin negizgi dárihanalardyń ıelerimen dári-dármekterdi (antıvırýstyq, antıpıretıkalyq jáne antıbıotıkter, dárýmender, antıkoagýlıanttar, qabynýǵa qarsy) belgilengen baǵamen jáne bir adamǵa 5 danadan artyq satpaý týraly kelisim jasaldy. Turǵyndar bakterııaǵa jáne vırýsqa qarsy preparattar dárigerdiń kelisimi boıynsha satylatynyn eskerý qajet.

Sonymen qatar qalalyq dárihana jelilerinde dári-dármek baǵasynyń negizsiz ósýin anyqtaý maqsatynda arnaıy jumys tobymen reıdtik sharalary uıymdastyrylýda. Mysalǵa, «Maýtova A.J.» jáne «I.P. Sýltanbekova» dárihanalarynda shekti baǵany kóterý faktileri anyqtaldy.

Dárihanalardaǵy dári-dármekter boıynsha aqparat www.stopcovid.kz saıtyna jarııalanatyn bolady.

Óńirdegi medıtsınalyq uıymdar dári-dármektermen qamtamasyz etilgen. Dári-dármekter aýrýhanalar men medıtsınalyq uıymdarǵa dıspanserlik esepte turǵan jáne aqysyz retsept boıynsha dárilerdi alatyn azamattardy ambýlatorııalyq emdeý úshin jetkiziledi.

Koronavırýs ınfektsııasy bar naýqastardy emdeý úshin aımaqtaǵy barlyq medıtsınalyq mekemeler antıpıretıkalyq, vırýsqa qarsy preparattar men antıbıotıktermen qamtamasyz etildi.

Turǵyndar tarapynan dári-dármekterge qatysty suraqtar týyndasa, 51-27-66, 51-04-37 telefon nómirlerine habarlasa alady. Sondaı-aq turǵyndardyń shaǵymdary men usynystary boıynsha «109» koll-ortalyǵy jumys jasap tur.

Búgingi tańda jedel járdem stantsııasynda 63 tehnıka qyzmet etýde. Bıylǵy qyrkúıekte 35 reanımobıl men 2 jedel járdem kóligin alý josparlanyp otyr.

Eske sala keteıik, budan buryn BQO-da bir kúnde klınıkalyq belgileri joq 91 tasymaldaýshy tirkelgenin jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT