+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Batys Qazaqstanda koronavırýstan 940 adam em qabyldaýda

2020 jylǵy 9 shilde 12:46
Bólisińiz:
Batys Qazaqstanda koronavırýstan 940 adam em qabyldaýda

ORAL. QazAqparat – Batys Qazaqstan oblysynda koronavırýsqa qatysty jaǵdaı kúrdeli kúıinde qalyp otyr. Bul týraly brıfıngide oblys ákimi Ǵalı Esqalıev málim etti, dep habarlaıdy QazAqparat tilshisi.

Qazirgi tańda óńirde 940 adam (571-i juqpaly aýrýlar, 369-y provızorlyq aýrýhanada) em alýda. Sonyń ishinde 473 adamnyń jaǵdaıy ortasha bolsa, 92 adam aýyr halde.

BQO-da indet jalpy 3600 adamnan anyqtalǵan bolatyn. Dertke shaldyqqandardyń 61,1 paıyzy Oral qalasynda – 2100 adam. Sondaı-aq Bórli aýdanynda 223, Báıterekte 208, Aqjaıyqta 141 adam tirkeldi.

Ákimniń sózine qaraǵanda, 1 sáýirde óńirde 380 tósek-oryn bolǵan edi. Іndettiń órshýine baılanysty olardyń sany 3 ese derlik, 1125-ke deıin ulǵaıtyldy. Jýyrda oblystyq jáne qalalyq kópbeıindi aýrýhanada taǵy 230-deı oryn ashylmaq.

Kúni búgin 130 jasandy tynys alý apparaty bar. Málim etilgendeı, bul – óńirge jetkilikti. Alaıda, ottegi kontsentratorlary boıynsha tapshylyq bar. Qazirgi tańda naýqastardy emdeýde 46 ottegi kontsentratory qoldanylýda. Demeýshiler qarjysy esebinen kontsentratorlar alýǵa tapsyrys berildi, taıaý arada jetkiziledi. Bobrov apparaty da ákelinedi. Sonymen qatar oraldyq kásiporyndardyń birinde Bobrov apparaty shyǵaryla bastamaq.

«Qazirgi tańda medıtsına kadrlarynyń jetispeýshiligi ótkir máseleniń biri bolyp otyr. Eń aldymen, kishi jáne orta medıtsına mamandary jetispeýde. Іndetpen kúreske medıtsına qyzmetkerleri jalpy sanynyń tek 50 paıyzy ǵana jumyldyrylǵan. Medıtsına qyzmetkerleriniń kóbi aýrýǵa shaldyqqan nemese májbúrli demalysqa ketken. Osy máseleni sheshý úshin 2 medıtsınalyq kolledj túlekterin aýrýhanalarda jumys isteýge jedeldetip oqytý jumystary bastaldy. 15 kúnnen soń dárigerlerge 200-ge jýyq jańa medıtsınalyq qyzmetker kómekke keledi. Sonymen qatar biz basqa qalalardan joǵary medıtsınalyq oqý oryndarynyń túlekterin tartýdy josparlap otyrmyz. Sondaı-aq jeke medıtsınalyq klınıkalardan 9 dáriger áriptesterine kómektesýge kelisti», dedi óńir basshysy.

Oblys ákimi sońǵy aıda vırýsqa qarsy jáne qyzýdy túsiretin dári-dármek jetkizilimi 5 ese óskenin jetkizdi. Kúni búgin quramynda paratsetamol bar dári-dármekter, atsetılsalıtsıl qyshqyly, tseftrıakson, azıtromıtsın, askorbın qyshqyly, vırýsqa qarsy dáriler jetkilikti. Al paratsetamol, leovfloksatsın jáne antıkoagýlıant jetispeýde.

«Memleket basshysy Qasym-Jomart Toqaevtyń tapsyrmasyna sáıkes dári-dármekti satýda alypsatarlyqty anyqtaı bastadyq, dárihanalarda baǵany baqylaýdamyz. Monıtorıngtik top birqatar dárihana ıeleri tarapynan buzýshylyqty anyqtady. Barlyq materıaldar aıyppul salý úshin oblystyq taýarlar men kórsetiletin qyzmetterdiń sapasy men qaýipsizdigin baqylaý departamentine jiberildi. Dárihanalar baǵany ósirmeýi tıis. Dári-dármek boıynsha shektik baǵany www.dari.kz. saıty arqyly qaraýǵa bolady», dedi Ǵ.Esqalıev.

Eske sala keteıik, budan buryn Oralda kásipkerdiń oblystyq aýrýhanaǵa ottegi kontsentratoryn tartý etkenin jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059

MURAǴAT