+7 (701) 759 90 19
USD 418.67 EUR 507.64
RUB 5.71 CNY 64.74
Jańalyqtar

Batys Qazaqstanda kıikti qorǵaý sharalary kúsheıtildi

2020 jylǵy 3 jeltoqsan 12:05
Bólisińiz:
Batys Qazaqstanda kıikti qorǵaý sharalary kúsheıtildi

ORAL. QazAqparat – Batys Qazaqstan oblysynda jyl sońyna deıin jalǵasatyn dástúrli «Kıik» keń aýqymdy tabıǵatty qorǵaý sharasy aıasynda brakonerlikpen kúres kúsheıtildi, dep habarlaıdy QazAqparat tilshisi.

Uqsas jańalyqtar

QR Ekologııa, geologııa jáne tabıǵı resýrstar mınıstrligi osyǵan oraı uıymdastyrǵan baspasóz týry barysynda «Ohotozooprom» mekemesi ınspektorlarynyń jumysy kórsetilip, Qaztalov aýdany aýmaǵyndaǵy jańa avtonomdy stantsııa tanystyryldy.

Batys Qazaqstan oblysynyń elimizdegi kıikter popýlıatsııasy eń kóp shoǵyrlanǵan óńir ekendigi belgili.

«Ohotzooprom» mekemesi mamandarynyń aıtýynsha, 2019 jylǵy sanaq boıynsha BQO aýmaǵynda 217 myń bas kıik bolǵan. Bıyl olardyń sany edáýir artqany baıqalady. Kıikti saqtaý maqsatynda mınıstrlik jalpy aýdany 343040,1 ga «Bókeıorda» memlekettik tabıǵı rezervatyn, sondaı-aq jalpy aýdany 314504,1 ga Ayózek memlekettik tabıǵı qaýmalyn qurý máselesin pysyqtaýda.

BQO orman sharýashylyǵy jáne janýarlardy qorǵaý ınspektsııasynyń jetekshi mamany Arman Іzimǵalıevtiń aıtýynsha, sharanyń basty maqsaty – kıikti zańsyz aýlaý, olardyń múıizin, derıvattaryn zańsyz saqtaý jáne tasymaldaýdyń jolyn kesý. Osy oraıda quzyrly organdar, atap aıtqanda, orman sharýashylyǵy jáne janýarlardy qorǵaý ınspektsııasy, polıtsııa departamenti, Ulttyq qaýipsizdik komıtetiniń shekara qyzmeti birlesip, mobıldik toptar qurdy. Jalpy, jyl basynan beri oblys aýmaǵynda kıik aýlaý, derıvattaryn zańsyz saqtaý boıynsha 37 qylmystyq is tirkelip, altaýynyń soty ótti. 8 adam 2 jyldan 6 jylǵa deıin bas bostandyǵynan aıyrý jáne shekteý jazasymen qylmystyq jaýapkershilikke tartyldy. Sotpen 62 mln 300 teńge qanaǵattandyryldy.

«Ohotzooprom» ÓB» RMQK-nyń Batys Qazaqstandaǵy oblystyq fılıaly Qaztalov aýdany aýmaǵynda kıikterdi qorǵaý jumysyn júrgizetin avtonomdy modýldik úıdi salǵan.

Jyljymaly stantsııa turǵyn jaıdan bólek, shaǵyn janarmaı quıý beketimen, kólikke tehnıkalyq qyzmet kórsetý alańymen jáne operatorlyq bólmemen qamtylǵan. Bul tabıǵat qorǵaýshylarǵa bir ortalyqtan jedel áreket etip, tıimdi jumys isteýge múmkindik beredi. Pılottyq joba basqa óńirlerde de jalǵasyn tappaq.

«Avtonomdy stantsııa Qaztalov eldi mekeninen 50 shaqyrym qashyqtyqta tur. Buryn ınspektorlar júk kóliginde qonyp jumys isteıtin. Jaqynda tolyq paıdalanýǵa beriletin modýldik úıde jatyn oryndary, jýynatyn bólme, ashana men jumys oryndary bar. WI-FI ornatylady. Elektr energııasy úı tóbesindegi kún batareıalary arqyly alynady. Inspektorlarymyzǵa ashyq dalada osyndaı ortalyqtan jumys istegen óte yńǵaıly», - dedi bul týraly «Ohotzooprom» ÓB» RMQK BQO fılıaly dırektorynyń mindetin atqarýshy Arman Qojahmetov.

Onyń sózine qaraǵanda, buryn kıikter alystan kisi kórse, jaqyndatpaı qashan jóneletin. Sebebi brakonerlik oqıǵalar kóp bolyp, myltyq daýsy jıi estiletin edi. Al bıyl zertteý júrgizýge kelgen ǵalymdar kıiktiń burynǵydaı úrkek emes ekenin aıtyp jatyr. Bul – ınspektorlardyń polıtsııamen birge aýmaqty qorǵaýdy kúsheıtip, tabıǵatta tynyshtyqty qamtamasyz etýiniń nátıjesi deýge bolady. Onyń ústine buryn belsendi túrde brakonerlikpen aınalysqan toptardyń kóbi ustalyp, jazasyn óteýde.

«Bizde bir topta 6 ınspektor bar. Ár top 40 myń gektar jerdi kúzetedi. Ol aýmaqta shamamen 50-60 myń kıik júredi. Kezek 15 kún saıyn aýysyp turady. Qazir jol talǵamaıtyn Toyota kólikterimen júremiz. Qarý-jaraǵymyz bar», dedi memlekettik ınspektor Jandos Abylhanov.

«Kıik» sharasy Batys Qazaqstannan bólek, Aqmola, Aqtóbe, Atyraý, Jambyl, Shyǵys Qazaqstan, Qaraǵandy, Qostanaı, Qyzylorda, Mańǵystaý, Pavlodar jáne Soltústik Qazaqstan oblystarynyń aýmaǵynda ótkiziledi. Oǵan «Ohotzooprom ÓB» RMQK-nyń janýarlar dúnıesin qorǵaý qyzmetinen 224 ınspektor, 68 jol talǵamaıtyn avtokólik , 37 KÝNG, 23 qarda júrgish, 2 «Berloga» vagonshalary (OÓF, BÓF) jumyldyryldy.

Aıta keteıik, 2019 jyly Memleket basshysynyń tapsyrmasymen Qazaqstanda brakonerlikke qarsy jaza kúsheıtilgen. Buryn brakonerlik qylmysy dáleldengen adamnyń múlki tárkilenip, 7 jylǵa deıin bas bostandyǵynan aıyrylsa, qazir jaza merzimi 10 jylǵa deıin artty. Memlekettik ınspektorlar men qoryqshyǵa qatysty ómirge qol suǵýshylyq jáne kúsh qoldanǵany úshin 20 jylǵa deıin bas bostandyǵynan aıyrý ne múlki tárkilenip, ómir boıyna bas bostandyǵynan aıyrý kózdelgen.

Sonymen qatar memlekettik ınspektor men qoryqshyǵa qatysty zorlyq-zombylyq kórsetkeni úshin jańa bap boıynsha aıyby dáleldengen adam 12 jylǵa deıin bas bostandyǵynan aıyrylýy múmkin.

Eske sala keteıik, budan buryn BQO-da «Kıik» jedel aldyn alý sharalary bastalǵanyn, bıyl óńirde 2,5 myńnan astam kıik múıizi tárkilengenin jazǵan bolatynbyz.




Bizdiń kanalymyzǵa jazylyńyz:

Bólisińiz:

Avtor:

Eljan Eraly

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT