Batys Qazaqstanda kıik sanynyń kúrt ósýi fermerlerge qolaısyzdyq týdyrǵan
2022 jylǵy 22 maýsym 14:35

Batys Qazaqstanda kıik sanynyń kúrt ósýi fermerlerge qolaısyzdyq týdyrǵan

ORAL. QazAqparat – Batys Qazaqstan oblysynda kıik máselesi kúrdeli bolyp otyr, dep habarlaıdy QazAqparat tilshisi.

Májilis depýtaty Amanjan Jamalovtyń Feısbýktegi paraqshasynda BQO-da kıikter sanynyń kúrt ósýine baılanysty jaıylymdar men shabyndyq alqaptaryna zııan kelip jatqany jóninde oblys fermerlerinen kóptegen ótinishter kelip túskeni týraly jazdy.

Kıikterdiń sanyn retteý týraly máseleni sheshý úshin Májilis depýtaty Ekologııa, geologııa jáne tabıǵı resýrstar mınıstri S.A. Brekeshevke hat joldaǵan.

«Keshe osy másele boıynsha Ekologııa mınıstri Serikqalı Amanǵalıuly Brekeshevpen jeke sóılestim.

Másele aıtarlyqtaı kúrdeli. Ony sheshý úshin keshendi kózqaras qajet. Aýyl sharýashylyǵy mınıstrligine kıikti atý úshin jaǵdaı jasaý qajet, al bul ózderine tıisti kıim-keshek, tehnıka, oq-dáriler jáne t.b. qajet bolatyn arnaıy komandalar qurýdy talap etedi. Budan basqa, Aýyl sharýashylyǵy mınıstrligi etti, teri men múıizdi odan ári qaıta óńdeý máselesin sheshýi qajet.

Búgingi tańda máseleni eki kezeńde sheshý qaralyp jatyr. Birinshi kezeń – 15 shildeden keıin (jazǵy atý) jáne ekinshi kezeń – kúzgi atý.

Taǵy da máseleniń edáýir kúrdeli ekenin atap ótkim keledi. Budan basqa, barlyq is-sharalardy iske asyrý úshin shamamen 1 mlrd teńge talap etiledi. Qarajat bólý máselesimen aınalysamyn.

Aldaǵy ýaqytta Ekologııa, geologııa jáne tabıǵı resýrstar mınıstrliginiń hatyma bergen egjeı-tegjeıli jaýabynan habardar etetin bolamyn», dep jazdy A.Jamalov.

Eske sala keteıik, budan buryn kıikterdi atýǵa qatysty sheshim 1 aıdyń ishinde qabyldanatynyn jazǵan bolatynbyz.


Seriktester jańalyqtary

Jańalyqtar

Úrdis

MURAǴAT