+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

Batys Qazaqstanda kenishten órt shyǵyp, vahta qalashyǵy otqa orandy

2019 jylǵy 14 jeltoqsan 13:42
Bólisińiz:
Batys Qazaqstanda kenishten órt shyǵyp, vahta qalashyǵy otqa orandy

ORAL. QazAqparat – Báıterek aýdany aýmaǵyndaǵy Chınarev kenishiniń turǵyn úı qalashyǵynda órt boldy, dep habarlaıdy QazAqparat tilshisi.

Uqsas jańalyqtar
Aqmola oblysynda 3 adam órtten qutqaryldy ShQO-da sirińkemen oınaǵan bala 12 tonna pishendi órtep jiberdi ShQO-da 100 gektar dala men 350 tonnadan astam shóp órtendi

BQO TJ departamenti azamattyq qorǵaý salasynda apat qaýpin tómendetý jáne baqylaý basqarmasynyń bastyǵy, azamattyq qorǵaý podpolkovnıgi Erlan Tóregeldıevtiń aıtýynsha, vahtalyq qalashyqta búgin tańǵy saǵat 05.46-da 13 vagon otqa oranǵan.

Chınarev kenishi jaqyn mańdaǵy órt sóndirý bóliminen 75 shaqyrym qashyqtyqta ornalasqan. Órt jóninde 112 telefonyna memlekettik emes órt sóndirý qyzmeti – «Semser – Órt sóndirýshi» JShS-dan úsh saǵattan astam ýaqytqa keshigip, 08.56-da habarlanǵan.

Oqıǵa ornyna órt sóndirýshilermen birge departamenttiń órt synaǵy zerthanasy qyzmetkerleri (8 adam, 2 tehnıka), sondaı-aq polıtsııa (2 adam, bir tehnıka) dereý attandy.

Sońǵy málimetke qaraǵanda, vahta qalashyǵy «Saipem» kompanııasyna tıesili. Qazirgi kezde kompanııa kenish aýmaǵyndaǵy qyzmetin toqtatqan. Turǵyn úı vagondaryn alyp ketý jumystary júrgizilgen. Qalashyqta 15 vagon bolsa, sonyń 13-i (12-si - adamdar turatyn, bireýi - kir jýatyn vagon) janyp ketken. Shamamen 624 sharshy metrdi qamtyǵan órt saǵat 13.30-da sóndirildi. Zardap shekkender joq.

Órttiń shyǵý sebebi, kelgen shyǵyn, kináli adamdar anyqtalý ústinde.

«Órtti tez sóndirý úshin ony der kezinde habarlaýdyń mańyzy zor», - deıdi E.Tóregeldıev.

Eske sala keteıik, budan buryn BQO-da «KamAZ» kóliginiń órtenip ketkenin jazǵan bolatynbyz.

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT