+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Batys Qazaqstanda karantın 15 maýsymǵa deıin uzartyldy

2020 jylǵy 23 mamyr 15:10
Bólisińiz:
Batys Qazaqstanda karantın 15 maýsymǵa deıin uzartyldy

ORAL. QazAqparat – BQO bas memlekettik sanıtar dárigeriniń qaýlysyna sáıkes, karantın shekteý sharalary 15 maýsymǵa deıin uzartyldy, dep habarlaıdy QazAqparat tilshisi.

BQO taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Nurlybek Mustaev brıfıngte málim etkendeı, óńirde aýrýshańdyq deńgeıi áli de tómendemeı otyr.

Kún saıyn epıdemıologııalyq ahýalǵa monıtorıng júrgiziledi. Mysaly, 22 mamyrda koronavırýs juqtyrý ósimi - 2,8 paıyz bolsa, odan bir kún buryn - 2,5, apta ishinde 3,8-4 paıyzdy kórsetti.

Karantındi sozýdyń taǵy bir sebebi - koronavırýs juqtyrǵandardyń kópshiligi (340) Oral qalasynda tirkelse, indet aýdandarda da taralyp otyr.

Mysaly, Aqjaıyq aýdanynda 5 adam syrqattandy. Munda aýyrǵan medıtsına qyzmetkerimen qarym-qatynasta bolǵandar aýrý juqtyryp, sol úı karantınge jabyldy.

Bórli aýdanynda 7 adam aýyrsa, sonyń alǵashqysy 29 naýryzda tirkelgen edi. Budan keıin Teńiz kenishinen kelgen adamnan 4 kisige juǵyp, olar oblystyq juqpaly aýrýlar aýrýhanasyna jatqyzyldy. Ótken táýlikte «Qarashyǵanaq Petrolıým Opereıtıng b.v.» kompanııasynyń qyzmetkeri de aýrý juqtyrǵany belgili boldy. Ol vahtalyq jumysqa kirispesten buryn Oral qalasynda Teńiz kenishinen kelgen óziniń týysqanymen baılanysta bolǵandyqtan, karantındik statsıonarǵa túsken bolatyn. Bastapqyda test teris nátıje kórsetkenimen, keıin koronavırýstyń belgileri (dene qyzýynyń kóterilýi, jótel) paıda bolyp, provızorlyq statsıonarǵa aýystyryldy. Naýqas turǵan bul úıge de karantın jarııalandy.

Báıterek aýdanynda 3 oqıǵa tirkelse, bular da – buryn Teńiz kenishinen kelgen azamatpen qarym-qatynasta bolǵandar.

Syrym aýdanynda aýrýlar sany 4-ke jetti. Munda aýdandyq aýrýhana qyzmetkerinen óz týysqandaryna juqqan. Taǵy bireýi – naýqaspen qarym-qatynasta bolǵan medıtsına qyzmetkeri. Bul derek boıynsha epıdemıologııalyq tekserý jumystary jalǵasýda. Óıtkeni aýrý kózi bolǵan aýrýhana qyzmetkeriniń Oralda da bolǵany anyqtalyp otyr.

Qazirgi tańda Syrym aýdanynda karantın jarııalanyp, indetke qarsy kúres jalǵasýda.

Tasqala aýdanynda 10 adamnyń beseýi – medıtsına, úsheýi – polıtsııa qyzmetkeri.

Sondaı-aq Terekti aýdany Podstepnyı aýylynda dárigerlik ambýlatorııa qyzmetkeriniń aýrý juqtyrǵany anyqtaldy. Ol da Teńiz kenishinen kelgen azamatpen qarym-qatynasta bolǵan. Dárigerlik ambýlatorııada tolyǵymen zalalsyzdandyrý jumystary júrgizildi.

Kúni búgin oblysta 370 naýqas tirkelse, sonyń 144-i oblystyq juqpaly aýrýlar aýrýhanasynda emdelýde. 220 adam jazylyp shyqty.

Naýqastardyń 67 paıyzy (251 adam Reseı men Atyraýdan) – syrttan kelgender. 114-i – buryn aýyrǵandarmen qarym-qatynasta bolǵandar.

Sonymen qatar 24 adam provızorlyq, 217 adam karantındik statsıonarda jatsa, 1208 adam úılerinde oqshaýlanýda.

«Eger 15 maýsymǵa deıin aýrýshańdyq deńgeıi 2 paıyzdan tómendese, karantındik shekteý sharalary jeńildetilýi múmkin. Bári de adamdardyń sanıtarlyq talaptardy buljytpaı saqtaýyna baılanysty. Aıtalyq, keıbireýler aýrý belgileri baıqalǵanyn dárigerlerden jasyrady. Tek aýrý dendegen kezde ǵana aıtady. Nemese jedel járdem shaqyrýdyń ornyna ózderi medıtsınalyq mekemege baryp, taralý qaýpin ulǵaıta túsedi», dedi Nurlybek Mustaev.

Eske sala keteıik, budan buryn BQO aýdanynda karantın engizilgenin jazǵan bolatynbyz.



Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT