Batys Qazaqstanda bıyl 27 aýylǵa gaz qubyry tartylady
2022 jylǵy 22 maýsym 04:48

Batys Qazaqstanda bıyl 27 aýylǵa gaz qubyry tartylady

ORAL. QazAqparat – Batys Qazaqstan oblysynda bıyl 27 aýylǵa gaz qubyry tartylmaqshy, dep habarlaıdy QazAqparat tilshisi.

Oblys ákimi Ǵalı Esqalıevtiń málim etkenindeı, sonda jyl sońynda óńir halqynyń tabıǵı gazben qamtamasyz etilýi 99,8 paıyzǵa jetetin bolady.

Onyń sózine qaraǵanda, sonymen qatar 35 eldi mekenge aýyz sý jetkizilmek.

Osy jumystarǵa 7,4 mlrd teńge qarastyryldy. Sonyń nátıjesinde turǵyndardyń 92 paıyzy aýyz sýmen qamtylady.

Ákimniń aıtýynsha, oblysta ómirlik mańyzy zor nysandardyń turaqty jumysyn qamtamasyz etýge basa kóńil bólinedi.

Mysaly, shyǵyndardy qysqartyp, kiristerdi molaıtý arqyly jergilikti jylý-elektr ortalyǵynda qordalanǵan qaryz máselesi retke keltirildi.

Sol sekildi Oral qalasyn sýmen qamtý da sheshilýde. 28 shaqyrym sý burý qubyrlary aýystyrylyp, 18 uńǵyma qalpyna keltirildi, jańadan altaýyn burǵylaý bastaldy.

Arnaıy tehnıka alynyp, sý ysyrapshyldyǵyna baqylaý ornatyldy.

«Taǵy bir kúrdeli másele – elektrmen qamtý. Ótken jyl sońynda «Batys Qazaqstan elektr jelilerin taratý kompanııasy» jekeden kommýnaldyq menshikke qaıtaryldy. Bul bizge monopolıst mekemeni damytýǵa qarjy bólýge múmkindik beredi. Kompanııanyń avtoparki jańartylyp, qyzmetkerlerdiń jalaqysy birtindep kóterilip keledi. Elektr jelilerin jańǵyrtý máselesi Prezıdent Ákimshiliginiń baqylaýynda tur jáne 2023-2025 jyldarǵa arnalǵan Batys Qazaqstan oblysyn damytýdyń keshendi josparyna engizildi», dedi óńir basshysy.

Eske sala keteıik, budan buryn Prezıdent tapsyrmasyna sáıkes BQO-da sýarmaly jer alqabyn 44 myń gektarǵa arttyrý kózdelip otyrǵanyn jazǵan bolatynbyz.


Seriktester jańalyqtary

Jańalyqtar

Úrdis

MURAǴAT