Valıýta baǵamdary:
    usd/kzt 475.51 eur/kzt 464.15

    rub/kzt 8.2 cny/kzt 66.85
Aýa raıy:
Nur-Sultan: +2+4℃
  Jańalyqtar  >
  Qoǵam

Batys Qazaqstanda birqatar azyq-túlik ónimderiniń baǵasy ósip ketip otyr

2022 jylǵy 19 tamyz 00:16

ORAL. QazAqparat – Batys Qazaqstan oblysynda birqatar azyq-túlik ónimderiniń baǵasy ósip ketip otyr, dep habarlaıdy QazAqparat tilshisi.

BQO kásipkerlik jáne ındýstrıaldyq-ınnovatsııalyq damý basqarmasy basshysynyń orynbasary mindetin atqarýshy Baýyrjan Satqalıevtiń málim etkenindeı, jyl basynan beri statıstıka derekterine sáıkes áleýmettik mańyzy bar 7 azyq-túlik taýary, atap aıtqanda, kartop, pııaz, sábiz, qyryqqabat, qant, sary maı jáne taýyq eti qymbattaǵan.

Onyń aıtýynsha, qazirgi tańda kartop jáne kókónis ónimderiniń basym bóligi Reseı Federatsııasynan jetkizilýde. Mysaly, kartop pen pııaz – Astrahan, sábiz Volgograd oblysynan satyp alynýda.

-Pııaz baǵasynyń kúrt ósýi óndirýshilerdiń jańa ónimge satý baǵasynyń joǵarylyǵyna baılanysty. Kóterme jetkizýshiler ónimdi Astrahan oblysynan kılosyn 160-200 teńgege (24-26 rýbl) satyp alady. Jol shyǵyny (15 paıyz) men kásipkerdiń ústemesin (15 paıyz) qosqanda, 230-250 teńgeden bir shyǵady, - deıdi B.Satqalıev.

Al respýblıkanyń ońtústik oblystarynda (Jambyl, Túrkistan, Almaty) pııaz 15 tamyzdan bastap jınalady.

Bıyl qant máselesi eldi alańdatqany belgili. Oblys halqy (940 tonna) men ónerkásip kásiporyndaryna (400 tonna) aı saıyn 1 340 tonna qant qajet.

Buryn óńirge keletin qanttyń 70 paıyzy Reseı men Belarýstan jetkiziletin. Alaıda bıylǵy naýryz aıynda RF Úkimetiniń óz aýmaǵynan qantty eksporttaýǵa tyıym salǵany málim.

Degenmen jınalǵan qor qantqa degen suranysty mamyr aıynyń basyna deıin qamtamasyz etýge múmkindik berdi.

Kúni búgin qant elimizdiń Jambyl («Taraz» jáne «Merki» zaýyttary) jáne Almaty («Kóksý» zaýyty) oblystarynda ornalasqan zaýyttardan jetkizilýde.

Maýsym-tamyz aılarynda kóterme jetkizýshilermen 39 vagon (2 652 tonna) qant jetkizilip, ár kılosy 515-517 teńgeden bosatylýda. Oblystaǵy qant qory 607 tonnany quraıdy. Zaýyttar qantty 490 teńgeden satýda.

«Qazirgi kezde jergilikti atqarýshy organdar 15 paıyz ústemeni, shekti ruqsat etilgen baǵany jáne retro bonýstardy qadaǵalaıdy. Ústemeniń saqtalmaǵany jóninde jyl basynan beri 13 shaǵym tústi. Barlyǵy boıynsha tekserý jumystary júrgizilip, 6 kásipkerlik nysanyna eskertý túrinde ákimshilik jaza qoldanyldy. Qalǵan jeti nysan boıynsha quqyqbuzýshylyq anyqtalmady», dedi B.Satqalıev.

Eske sala keteıik, budan buryn Oralda qantqa talasqan jurttyń beınejazbasy taraǵanyn jazǵan bolatynbyz.

https://www.inform.kz/qz/oralda-kantka-talaskan-zhurttyn-beynezhazbasy-tarady_a3938232


Avtor:

Ǵaısaǵalı Seıtaq

Novostı po teme
Uqsas jańalyqtar
Seriktester jańalyqtary