+7 (701) 759 90 19
USD 425.95 EUR 495.12
RUB 6 CNY 66.6
Jańalyqtar

Batys Qazaqstanda bilim berý nysandaryn kúrdeli jóndeýmen qatar jańalaryn paıdalanýǵa berý jumystary jalǵasady

2009 jylǵy 25 tamyz 10:12
Bólisińiz:
Batys Qazaqstanda bilim berý nysandaryn kúrdeli jóndeýmen qatar jańalaryn paıdalanýǵa berý jumystary jalǵasady

ORAL. Tamyzdyń 25-i. QazAqparat /Ǵaısaǵalı Eraly/ - Batys Qazaqstan oblysynda bilim berý nysandaryn kúrdeli jóndeýmen qatar jańalaryn paıdalanýǵa berý jumystary jalǵasady,

dep habarlaıdy QazAqparat tilshisi.

Aıtalyq, bıyl 91 bilim ordasyn, sonyń ishinde «Jol kartasy» boıynsha 17 nysandy kúrdeli jóndeýden ótkizý josparlanyp, buǵan barlyǵy 3,8 mlrd. teńge, al aǵymdaǵy jóndeý jumystary úshin 340 mln. teńge qarajat bólingen bolatyn. Oblys ákimi Baqtyqoja Іzmuhambetovtiń aıtýynsha, 2008-2009 jyldary júzden astam mektep kúrdeli jóndelmek. Bul 435 mekteptiń árbir tórtinshisi deýge bolady. Aldaǵy jyly taǵy 40-50 mektep retke keltirilmek, sonda bilim nysandaryn kúrdeli jóndeý máselesi tolyq sheshimin tabady.

Sonymen qatar jańa mektepterdi salý jumystary jalǵasady. Máselen, 2009 jyldyń sońyna deıin jergilikti bıýdjet esebinen Syrym aýdanynyń Bulan aýylynda 132 oryndyq, Bórliniń Qyzyltalynda 250 oryndyq qosymsha mektep ǵımaraty paıdalanýǵa berilmek. Al Terekti aýdany Jaıyq aýylynda 96 oryndyq, Zelenovtiń Oktıabrinde 46 oryndyq jáne Tasqalada balalar saz mektepteriniń qurylystary júrgizilýde.

Jýyrda jańa oqý jylyna oraı respýblıkalyq bıýdjet esebinen Oral qalasynyń Jelaev kentinde 360 oryndyq mektep iske qosylatyn bolsa, 100 oryndyq jataqhanasymen 300 oqýshyǵa arnalǵan mektep qurylystaryn Tasqala men Qaratóbe aýdandarynyń ortalyqtarynda bastaý kózdelip otyr.

Bizdiń kanalymyzǵa jazylyńyz:

Bólisińiz:

Avtor:

Eljan Eraly

Pikir qaldyrý
+7
Jiberý
Sondaı-aq... oqyńyz
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT