+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

Batys Qazaqstanda Altyn Orda dáýirine jatatyn kesene tabyldy

2021 jylǵy 7 qyrkúıek 17:52
Bólisińiz:
Batys Qazaqstanda Altyn Orda dáýirine jatatyn kesene tabyldy

ORAL. QazAqparat – Batys Qazaqstan oblysynda Altyn Orda dáýirine jatatyn kesene tabyldy, dep habarlaıdy QazAqparat tilshisi.

Uqsas jańalyqtar

BQO tarıhı-ólketaný mýzeıiniń dırektory Mırbolat Ersaevtyń málim etkenindeı, kesene Terekti aýdany aýmaǵynda Shalqar kóli mańynda oryn tepken.

Onyń sózine qaraǵanda, bastapqyda oǵan Shalqar ataýy berildi. Keıinirek arheologııalyq qazba jumystaryn júrgizý jáne jergilikti halyqqa saýalnama júrgizý kezinde sol jerdiń ataýy boıynsha Jańabaı dep ataldy.

Qundylyǵy joǵary keseneni mýzeıdiń tarıh jáne arheologııa bóliminiń ǵylymı qyzmetkeri, jasaq basshysy ıAna Luqpanova tapty.

Keseneniń jer qazý jumystary qolmen júrgizildi. Úıindini zertteý barysynda sáýlet qurylymynyń barlyq anyqtalǵan elementteri men tabylǵan artefaktilerdi tazartý, fotofıksatsııa jumysy atqaryldy.

ıAna Luqpanovanyń aıtýynsha, kólemi 25h25 sm, qalyńdyǵy 6 sm bolatyn kólemdegi kúıdirilgen kirpishten salynǵan kesene Altyn Orda kezeńine jatady.

Ǵımarattyń ózi tórtburyshty pishindi, syrtqy ólshemi boıynsha qabyrǵalardyń uzyndyǵy 7-den 8 metrge deıin, soltústik-batys jaǵyndaǵy qabyrǵalardyń qalyńdyǵy 1,6 metr, shıki kirpishten 7 qatarǵa búktelgen, eki jaǵynan kúıdirilgen kirpishpen qaptalǵan. Shyǵys qabyrǵasy nashar saqtalǵan, onyń shetteri qıraǵan.

«Qazba jumysy barysynda tabylǵan adamnyń súıegin er adamnyń qańqasy dep boljam jasap otyrmyz. Jasyn anyqtaý múmkin bolmady, árıne, onymen antropologtar jumys isteıdi. Jergilikti turǵyndar birneshe jyl boıy jerleý ornyn ashýǵa tyrysqandyqtan, qańqanyń zaqymdalǵany kórinip tur. Qundylyqtardy izdegen kezde qaldyqtardan basqa karnel monshaǵyn taptyq. Birden aıtaıyn, dál osyndaı zattar orta ǵasyrǵa tán basqa jerleý oryndarynan da tabylǵan. Ádette, karnel monshaqtary júrek, bilek aımaǵynda jatady. Astrahandyq arheolog Vıacheslav Vasılevıch Plahovtyń boljamyna qaraǵanda, sol kezdiń adamdary karnel monshaqtaryn aýyrǵan jerlerine qoıǵan. Sebebi, karneldiń sýlanǵan jarany tez qurǵatyp, jazatyn qasıeti málim. Emdeý kezinde qyzdyrylǵan karnel bólikterin qoldanýdyń arqasynda qabyný azaıyp, jaranyń tez bitip ketetindigin sol kezdiń adamdary da bilgen bolyp tur», - dedi ıAna Luqpanova.

Eske sala keteıik, Qazaqstannyń kıeli oryndarynyń qataryna engizilgen Taqsaı hanshaıymy jerlengen qorǵan kesheni de osy Terekti aýdany Dolınnyı aýyly mańynda ornalasqan. Ol 2012 jyly tabylyp, keıin «Altyn hanshaıym» qalpyna keltirilip, elordadaǵy QR Ulttyq mýzeıine qoıyldy.

Taqsaı hanshaıymynyń basyna aq kesene ornatyldy.




Bizdiń kanalymyzǵa jazylyńyz:

Bólisińiz:

Avtor:

Eljan Eraly

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT