Batys Qazaqstanda adasqan 4 adam bir táýlikten keıin tabyldy

ORAL. QazAqparat – Batys Qazaqstan oblysynda adasqan tórt turǵyn bir táýlikten keıin tabyldy, dep habarlaıdy QazAqparat tilshisi.

BQO TJ departamenti zilzalalardyń qaýip-qaterin azaıtý jáne azamattyq qorǵaý salasyndaǵy baqylaý basqarmasynyń bastyǵy Erlan Tóregeldıevtiń málim etkenindeı, oqıǵa 24 naýryz kúni Qaztalov aýdanynda oryn aldy.

Úsh eresek adam jáne bir jasóspirim «ÝAZ» avtokóligimen Qaztalov aýylynan saǵat 14.00-de Qýraıly qystaǵyna qaraı shyǵyp ketkennen oralmaǵan.

Olardy TJ (1 qyzmetker), jergilikti polıtsııa qyzmeti (3 qyzmetker, 1 tehnıka) jáne aýyl turǵyndary (3 adam, 1 tehnıka) izdestirdi.

Іzdestirý tobymen atalǵan adamdar búgin saǵat 11.30-da Qaıyp qystaǵynan (Qaztalov aýylynyń soltústiginde 35 shaqyrym qashyqtyqta) 3 shaqyrym jerden tabyldy. Olar medıtsınalyq kómekti qajetsingen joq.

Eske sala keteıik, budan buryn Oralda mangalǵa tamaq pisiremin dep kúıip qalǵan eki adamnyń aýrýhanaǵa túskenin jazǵan bolatynbyz.