Batys Qazaqstanda 600-ge jýyq adamnan koronavırýs tabyldy
2022 jylǵy 14 qańtar 13:55

Batys Qazaqstanda 600-ge jýyq adamnan koronavırýs tabyldy

ORAL. QazAqparat – Batys Qazaqstan oblysynda jyl basynan beri 537 adamnan koronavırýs tabyldy, dep habarlaıdy QazAqparat tilshisi.

BQO densaýlyq saqtaý basqarmasy medıtsınalyq kómekti uıymdastyrý bóliminiń basshysy Aıgúl Kúlbaraqovanyń óńirlik kommýnıkatsııalar qyzmeti alańynda ótken brıfıngide málim etkenindeı, aýrýshańdyq deńgeıi oblysta 6 qańtardan beri kúrt ósip ketti.

Onyń sózine qaraǵanda, «Omıkron» shtamyn juqtyrý qaýpi bar ekenin eskerý kerek. Bul vırýs «Delta» shtamyna qaraǵanda, 70 ese tez kóbeıedi.

«Spýtnık Lite» vaktsınasynyń bir bóligi Qazaqstanǵa kelip jetti. Búgingi tańda vaktsınany aımaqtarǵa bólý júrgizilýde, oblysqa atalmysh ekpe áli jetkizile qoıǵan joq. «Spýtnık Lite» vaktsınasy tıisti qaýly shyqqannan keıin kórsetilimge baılanysty qoldanylatyn bolady. Sonymen qatar QR Bas memlekettik sanıtar dárigeriniń 13 qańtardaǵy №2 qaýlysyna sáıkes alpys jastan asqan turǵyndar men medıtsına qyzmetkerlerine Pfizer vaktsınasyn qoldanýǵa ruqsat berildi», dedi Aıgúl Jeksenqyzy.

Basqarma ókiliniń aıtýynsha, pandemııa bastalǵannan beri tirkelgen 40 607 naýqastyń 39 224-i jazylyp shyqty. 857-si koronavırýstan kóz jumdy.

Kúni búgin 504 tósektik 8 ınfektsııalyq statsıonarda jatqan 110 naýqastyń tórteýi jansaqtaý bólimshesinde jatyr.

«Oblys boıynsha vaktsınatsııa bastalǵannan beri 258 901 adam birinshi komponentpen egildi. Bul – jalpy jospardyń 62,4 paıyzy. 245 373 adam ekinshi komponentti qabyldady. 6301 adam Pfizer vaktsınasyn alsa, sonyń 3332-si – jasóspirimder, 220-sy – júkti, 2749-y – bala emizetin áıelder. Sondaı-aq oblysymyzdyń 24 574 turǵyny revaktsınatsııadan ótti», dedi A.Kúlbaraqova.

Eske sala keteıik, budan buryn BQO-nyń «qyzyl» aımaqqa enýine baılanysty qatań shekteý sharalary engiziletinin jazǵan bolatynbyz.


Uqsas jańalyqtar

Jańalyqtar

MURAǴAT