+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Batys Qazaqstanda 5 shildeden bastap qandaı shekteý sharalary engiziledi

2020 jylǵy 4 shilde 20:20
Bólisińiz:
Batys Qazaqstanda 5 shildeden bastap qandaı shekteý sharalary engiziledi

ORAL. QazAqparat – Batys Qazaqstan oblysynda 5 shildeden bastap 14 kúnge qatań karantındik shekteý sharalary engiziledi, dep habarlaıdy QazAqparat tilshisi.

Uqsas jańalyqtar
Kentaýda karantın talaptaryn saqtamaǵan 19 nysan anyqtaldy Maska taqpaǵandarǵa 80 myń teńgege jýyq aıyppul salynady Búginnen bastap Qazaqstanda qatań karantın taǵy 2 aptaǵa sozyldy

BQO bas memlekettik sanıtar dárigeri Muhamǵalı Aryspaev brıfıngte málim etkendeı, banketter, úılený toılary, mereıtoılar, otbasylyq, estelik, ádet-ǵuryp jáne ózge de adamdar kóp jınalatyn is-sharalar ótkizýge tyıym salyndy.

Jedel járdem kóligin, avarııalyq qyzmetterdi jáne basqa da arnaıy organdardy, sondaı-aq oblys, Oral qalasy men aýdandardyń tirshiligin qamtamasyz etýge jaýap beretin uıymdardyń kóligin qospaǵanda, kóliktiń qozǵalysy saǵat 23.00-den 06.00-ge deıin shekteledi.

Áleýmettik qashyqtyqty saqtaı otyryp, 3 adamnan aspaıtyn toptarmen nemese bir otbasy múshelerimen skverlerge, alańdarǵa, jaǵalaýlarǵa jáne halyqtyń basqa da demalys oryndaryna (qalalyq saıabaq pen jaǵajaılardy qospaǵanda) barýǵa ruqsat etiledi.

Óńirler (Oral-Atyraý, Oral-Aqtóbe) arasyndaǵy jolaýshylar avtobýsy qatynasy toqtatylady.

Saýda úıleri men ortalyqtarynyń (pavılondardyń), saýda jelileriniń (olarda ornalasqan azyq-túlik sýpermarketteri men dúkenderdi, dárihanalardy qospaǵanda), jabyq azyq-túlik jáne azyq-túlik emes bazarlardyń, sulýlyq salondary men shashtarazdardyń; sport jáne trenajerlyq zaldarynyń; fıtnes ortalyqtarynyń, basseınderdiń, saýnalardyń, monshalardyń, ЅPA ortalyqtardyń, menshik nysanyna qaramastan barlyq mektepke deıingi balalar uıymdarynyń, balalar túzetý kabınetteri, bilim berý ortalyqtary, balalardy damytý ortalyqtary, úıirmeler, balalar men eresekterge arnalǵan kýrstar, saýyqtyrý jáne mektep janyndaǵy lagerler, qalalyq demalys parkiniń, jaǵajaılardyń; barlyq oıyn-saýyq obektileriniń, kınoteatrlardyń, oıyn alańdarynyń (aýlalardy qospaǵanda), onyń ishinde batýttar, attraktsıondardyń, túngi klýbtardyń, kompıýterlik jáne oıyn, býkmekerlik keńseler, balalardy saýyqtyrý jáne mektep janyndaǵy lagerler, keıterıngtik jáne merekelik qyzmetter kórsetý, dinı nysandar, sondaı-aq mádenıet nysandary (teatrlar, kontsert zaldary, murajaılar, kórmeler, forýmdar) qyzmetteri toqtatylady.

Ýaqyt pen jumys rejımi boıynsha mynadaı shekteýler engizildi:

- memlekettik organdar men kvazımemlekettik sektor uıymdary qyzmetkerleriniń 80 paıyzyn qashyqtyqtan jumys nysanyna kóshirý (shtattyq kestede 30-dan astam qyzmetker bar jaǵdaıda), jınalystar, keńester, semınarlar, konferentsııalardy selektorlyq rejımde jáne beınekonferentsbaılanys arqyly ótkizý;

- HQKO onlaın rejımde qyzmet kórsetýge kóshý, onlaın rejımde qyzmet kórsetý múmkin emes jaǵdaıda jazylý boıynsha (saǵat 10.00-den 18.00-ge deıin);

- medıtsınalyq ortalyqtar (jazylý boıynsha) saǵat 10.00-den 18.00-ge deıin;

- stomatologııalyq klınıkalar (jazylý boıynsha) saǵat 10.00-den 18.00-ge deıin;

- azyq-túlik bazarlary jáne azyq-túlik emes bazarlar tek ashyq túrdegi (jumys kestesi saǵat 10.00-den 16.00-ge deıin), saýda sóreleri arasyndaǵy qashyqtyq 2 metrden kem bolmaýy tıis, azyq-túlik ónimderin satý kókónister men jemisterdi qospaǵanda, tek qana ólshep salynǵan túrde júrgiziledi;

- azyq-túlik dúkenderi saǵat 09.00-den 22.00-ge deıin (azyq-túlik ónimderin satý kókónis pen jemisterdi qospaǵanda, tek qana ólshep salynǵan túrde júrgiziledi);

- qoǵamdyq tamaqtaný obektilerine tek qana ózimen alyp ketýge jáne jetkizý úshin saǵat 10.00-den 22.00-ge deıin jumys isteýge ruqsat etiledi;

- aýdany 500 m2 astam azyq-túlik emes dúkender tek jetkizý úshin jumys isteýi tıis;

- banktik qyzmetter, saǵat 09.00-den 18.00-ge deıin;

- medıtsınalyq-áleýmettik mekemeler saǵat 09.00-den 16.00-ge deıin;

- halyqtyń turýy boıynsha qyzmet kórsetý salasyndaǵy (qonaq úıler, demalys úıleri jáne t. b.), syıymdylyǵyn 50% asyrmaı;

- halyqpen baılanyssyz qyzmet kórsetý boıynsha obektiler (avtojýý, avtomobılderdi, turmystyq tehnıkany jóndeý jáne t.b.), saǵat 10.00-den 17.00-ge deıin;

- bıznes ortalyqtar (saqtandyrý kompanııalary, advokattyń jáne notarıýstyń qyzmetteri, býhgalter men konsaltıngtiń, jyljymaıtyn múlik agenttiginiń, jarnama agenttikteri, sot oryndaýshylary), aıyrbastaý pýnktteri, lombardtar, saǵat 09.00-den 17.00-ge deıin.

Qoǵamdyq kólikter saǵat 07.00-den 21.00-ge deıin qatynaıdy.

Qoǵamdyq kóliktiń toltyrylýy qatań túrde otyrǵyzý oryndary boıynsha bolýy tıis.

Qoǵamdyq kólik antıseptıkalyq quraldarmen qamtamasyz etilýi tıis, qoǵamdyq kólikke tek jeke qorǵaný quraldarymen (medıtsınalyq betperde, qolǵappen) kirýge ruqsat etiledi.

Taksı jeńil kóliginde adam sany úsheýden aspaýy tıis. Jeńil kólik te jeke qorǵaný quraldarymen (medıtsınalyq maskalarmen, qolǵaptarmen) jáne antıseptıktermen qamtamasyz etilýi tıis.

Menshik nysanyna qaramastan, barlyq uıymdar men kásiporyndar sanıtarlyq-epıdemıologııalyq tártiptiń saqtalýyn qamtamasyz etýi tıis:

- personal men qyzmetkerlerdi jeke qorǵanys quraldarymen (betperde, qolǵappen) qamtý;

- úı-jaılardyń, ǵımarattardyń kiretin jáne shyǵatyn jerlerinde sanıtaızerler ornatý;

- kelýshilerdi, klıentterdi úı-jaılarǵa betperdesiz jibermeý;

- úı-jaıdyń ishinde jáne syrtynda adamdar arasynda keminde 2 metr áleýmettik qashyqtyqtyń saqtalýyn baqylaý;

- úı-jaı ishindegi adam sany boıynsha shekteý qoıý - 20 sharshy metrge 1 adamnan artyq emes;

- úı-jaı ishinde kezekte 5 adamǵa deıingi shekteýdiń saqtalýyn baqylaý;

- úı-jaılardy ylǵaldy jınaý jáne dezınfektsııalaý kúnine 2 retten kem emes;

- kelýshilerdiń jaı-kúıine turaqty monıtorıng júrgizý úshin barlyq nysandardyń kire berisinde qashyqtyq termometrııany (qol teplovızoryn) júrgizý;

- júrgizilgen/alynǵan qyzmetter úshin qolma-qol aqshasyz esep aıyrysý (kartalar, telefondaǵy qosymsha) úshin jaǵdaıdy barynsha qamtamasyz etý.

Oral jáne Aqsaı qalalaryn, BQO aýdandarynyń eldi mekenderinde dezınfektsııalaý jumystary júrgiziledi:

- karantındegi emdeý mekemeleri – aptasyna 2 ret, seısenbi jáne senbi kúnderi;

- azyq-túlik bazarlary – kún saıyn;

- trotýarlar, aıaldama pavılondary, alańdar, saıabaqtar, gúlzarlar, konteınerlik alańdar – kún saıyn;

- memlekettik mekemeler men jumysy toqtatylmaǵan ózge de uıymdardyń ǵımarattary – aptasyna bir ret;

- turǵyn úı kvartaldarynyń aýla aýmaqtary men turǵyn úı kireberisteri - Oral qalasy men aýdandardyń turǵyn úı-kommýnaldyq sharýashylyq, jolaýshylar kóligi men avtomobıl joldary bólimderiniń basqarýymen jáne keste boıynsha.

Dezınfektsııa júrgizý kezinde densaýlyqqa zııan kelmeýi úshin óńdeýden keıin turǵyndarǵa 5 saǵat ishinde dalaǵa shyqpaý usynylady.

Eske sala keteıik, budan buryn Batys Qazaqstanda qosymsha provızorlyq jáne juqpaly aýrýlar aýrýhanasy ashylatynyn jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT