Batys Qazaqstanda 22 mln teńge jymqyrǵan býhgalter sottaldy
2022 jylǵy 29 maýsym 14:15

Batys Qazaqstanda 22 mln teńge jymqyrǵan býhgalter sottaldy

ORAL. QazAqparat – «Terekti balalar mýzyka mektebi» MKQK-nyń burynǵy bas býhgalteri Alekseı Berdnıkovke qatysty sot úkimi shyqty, dep habarlaıdy QazAqparat tilshisi.

BQO boıynsha ekonomıkalyq tergep-tekserý departamentinen málim etkenindeı, Terekti aýdandyq sotynyń úkimimen A.Berdnıkov QR QK 189-baby 4-bóligi 2-tarmaǵyna sáıkes aıypty dep tanyldy.

Sot onyń múlkin tárkilemeı, jeti jylǵa bas bostandyǵynan aıyrý túrindegi jazany kesti. Sondaı-aq sottalýshy memlekettik uıymdarda, kvazımemlekettik sektor nysandarynda, kommertsııalyq, kommertsııalyq emes uıymdarda qarjylyq qyzmetke jáne materıaldyq jaýapkershilikke baılanysty laýazymdardy atqarý quqyǵynan bes jyl merzimge aıyryldy.

«A.Berdnıkov óziniń qyzmettik jaǵdaıyn paıdalana otyryp, 2018-2020 jyldar kezeńinde Internet-bankıng arqyly qolma-qol aqshasyz tólemder júrgizý jolymen, atalǵan kásiporyn dırektorynyń elektrondyq-tsıfrlyq qoltańbalaryn paıdalana otyryp, jalaqyny jáne basqa da tólemderdi óziniń jeke shottaryna negizsiz aýdarǵan. Osylaısha, memleketke 22 mln 200,790 myń teńge kóleminde zalal keltirgen, ıaǵnı ózine senip tapsyrylǵan aqsha qarajatyn asa iri mólsherde jymqyrdy. Sottalýshy jymqyrǵan aqsha qarajatyn oıyn-saýyq jáne býkmekerlik keńselerdegi stavkalar túrinde jeke qajettilikterine jumsaǵan. Sot úkimi zańdy kúshine endi», dep habarlady vedomstvodan.

Eske sala keteıik, budan buryn jalǵan aqsha satqan Oral turǵynynyń 5 jylǵa bas bostandyǵynan aıyrylǵanyn jazǵan bolatynbyz.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT