Batys Qazaqstanda 1500-ge jýyq adam revaktsınatsııadan ótti
2021 jylǵy 7 jeltoqsan 14:10

Batys Qazaqstanda 1500-ge jýyq adam revaktsınatsııadan ótti

ORAL. QazAqparat – Batys Qazaqstan oblysynda 1490 adam revaktsınatsııadan ótti, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkendeı, sondaı-aq 2573 adam Pfizer vaktsınasyn qabyldady.

Bulardyń 1454-i – jasóspirimder, 82-si – júkti, 1037-si – bala emizetin áıelder.

Oblysta egilýge tıisti 414 389 turǵyn bolsa, sonyń 250 354-i (60,4 paıyzy) vaktsınanyń birinshi, 233 593-i (56,4 paıyzy) ekinshi komponentimen egildi.

Oral qalasynda egilýge tıisti 224 092 adamnyń 127 455-i birinshi komponentti qabyldady.

Óńirde vaktsına qory jetkilikti, egý jumystary jalǵasýda.

Basqarmadan túsken málimetke qaraǵanda, sońǵy aptada aldyńǵymen salystyrǵanda, koronavırýs juqtyrý kórsetkishi 5,6 paıyzǵa (7 naýqasqa) tómendedi.

Oblysta COVID-19 dıagnostıkasy boıynsha 13 zerthana jumys isteıdi. Sońǵy táýlikte 395 zertteý júrgizildi.

Qazirgi kezde ambýlatorlyq em alyp jatqan 286 adam bolsa, sonyń 76 paıyzynyń aýrýy jeńil ótýde. 4 paıyzy – ortasha, 20 paıyzy – sımptomy joqtar.

Emhanalar janynda 132 mobıldi brıgada kún saıyn 700-den astam shaqyrtý boıynsha barady.

Oblysta 610 tósektik 11 ınfektsııalyq statsıonarda 122 naýqas emdelýde. Sonyń ishinde 115-i qaladaǵy statsıonarlarda. Jansaqtaý bólimshelerinde jatqan 9 adamnyń jeteýiniń jaǵdaıy aýyr. Bulardyń tórteýi ınvazıvti emes jasandy tynys alý apparatyna, úsheýi ottegi kontsentratoryna qosylǵan.

Eske sala keteıik, budan buryn Batys Qazaqstanda 2 531 adamǵa Pfizer vaktsınasy egilgenin jazǵan bolatynbyz.


Jańalyqtar

MURAǴAT