Batys Qazaqstan oblysynda shekteý sharalary uzartyldy

ORAL. QazAqparat – Batys Qazaqstan oblysynda karantındik shekteý sharalary 3 tamyzdan bastap 16 tamyzǵa deıin uzartyldy, dep habarlaıdy QazAqparat tilshisi.

Uqsas jańalyqtar

Koronavırýstyń órshýi: Almatyda sanıtarlyq sharalar kúsheıtildi

Nur-Sultanda karantın rejımin buzýshylardy anyqtaý jalǵasýda Qostanaı oblysynda demalys kúnderi qandaı shekteýler engiziledi Karantın: Aqmola oblysynda dinı obektilerdiń qyzmetine tyıym salyndy

BQO bas memlekettik sanıtar dárigeriniń 2 tamyz kúngi qaýlysyna sáıkes, burynǵysha saǵat 23.00-den bastap tańǵy 06.00-ge deıin avtokólik qozǵalysyna tyıym salyndy.

Sol sekildi senbi, jeksenbige keletin 8, 9, 15 jáne 16 tamyz kúnderi ashyq úlgidegi azyq-túlik jáne azyq-túlik satpaıtyn bazarlardyń qyzmeti toqtatylady. Sondaı-aq osy kúnderi qoǵamdyq kólik te júrmeıdi.

Degenmen qoǵamdyq tamaqtaný nysandaryna (saǵat 10.00-den 22.00-ge deıin) tek ashyq aýada (jazǵy alańdar) ujymdyq is-sharalardy ótkizbeı (ústelder arasynda 2 metrden kem emes araqashyqtyqty saqtaý, bir ústelge otyrýshylar sany 4 adamnan aspaýy tıis) jumys isteýge, sondaı-aq belgilengen ýaqyt aralyǵynda jetkizý jáne shyǵaryp berý qyzmetterin júzege asyrýǵa ruqsat etiledi.

Menshik nysanyna qaramastan, barlyq uıymdar men kásiporyndar sanıtarlyq-epıdemıologııalyq rejımniń saqtalýyn qamtamasyz etýi tıis.

Eske sala keteıik, budan buryn batysqazaqstandyq dárigerlerdiń «Aqjaıyq» shıpajaıynda demalyp jatqanyn jazǵan bolatynbyz.