+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Batys Qazaqstan oblysynda bıyl 436 shaqyrym jol jóndeledi

2020 jylǵy 20 qazan 21:41
Bólisińiz:
Batys Qazaqstan oblysynda bıyl 436 shaqyrym jol jóndeledi

ORAL. QazAqparat – Batys Qazaqstan oblysynda bıyl 36,2 mlrd teńgege 436,5 shaqyrym jol jóndelmekshi, dep habarlaıdy QazAqparat tilshisi.

Oblys ákiminiń orynbasary Tımýrjan Shákimovtiń aıtýynsha, jol jóndeý boıynsha barlyǵy 102 joba júzege asyrylýda.

Sonyń ishinde 7,1 mlrd teńgege uzyndyǵy 103,7 km respýblıkalyq mańyzy bar (9 joba), 12 mlrd teńgege 167,8 km oblystyq jáne aýdandyq joldar retke keltirilmekshi. Oǵan qosa 17,1 mlrd teńgege 165 km kóshe-jol jelisi (69 joba) jóndelmekshi. Osynyń ishinde «Jumyspen qamtýdyń jol kartasy» baǵdarlamasy arqyly 10 mlrd, «Aýyl – el besigi» arqyly 4,2 mlrd teńge bólindi.

Qazirgi tańda 23,4 mlrd teńge ıgerilip, 335 km jol jóndeýden ótti.

T.Shákimovtiń sózine qaraǵanda, «Jumyspen qamtýdyń jol kartasy» aıasynda 48 joba júzege asyrylýda. 10 mlrd teńgege 86,6 km jol jóndeý josparlanyp, 2730 jańa jumys orny ashyldy.

Oblys ortalyǵynda 30 joba (34,2 km), óńirdiń segiz aýdanynda 18 joba (52,4) júzege asyrylýda.

«Oblys basshysy tarapynan jol jóndeý jumystaryn bir aı ishinde aıaqtaý jóninde tapsyrma berildi. Sonymen qatar aldaǵy qys kezinde joldy kútip ustaýǵa daıyndyq isi de pysyqtalýda», dedi T.Shákimov.

Eske sala keteıik, budan buryn Oralda 55 kóshede jol jóndeý jumystary júrgizilip jatqanyn jazǵan bolatynbyz.


Bizdiń kanalymyzǵa jazylyńyz:

Bólisińiz:

Avtor:

Eljan Eraly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT